الرئيسية » الشعر والأدب » الصعيد ..قصيدة للشاعر / محمد عبد القوى حسن

الصعيد ..قصيدة للشاعر / محمد عبد القوى حسن

محمد عبد القوى حسن
الصعيــــــد
للشاعر / محمد عبد القوى حسن
الصعيد ابو الرجال
والمجد دايما للصعيد
عمره ماهايتهز هزه
من كلام عبد العبيد
الصعيد
الصعيدعلمنا نصبر
ع اللى يتعدى علينا
بكره وبيده هايحفر
قبره ولايصعب علينا
ف الصعيد المجد كله
والاصاله والتاريخ
واللى مايعرف نقوله
احنا مابنعرف صريخ
احنا مجد المجد ذاته
واحنا حامينها بقوه
والوطن حاملين اهاته
منزله ف عنينا جوه
والحراير امهاتنا
علمونا ع المبادىء
طهرهم ساكن فى ذاتنا
والسفيه للعهر بادىء
السفيه اللى مالوش اصل لامله
السفيه الرمه عله
السفيه بن السفيه بن السفيه
الف ميت لعنه عليه
هو واللى شجعوه وعلموه
معنى السفاله
وارضعوه الخزى والعهر النداله
علموه ف درب الخيانه
كيف يخون
متعوه وعلموه وعلقوه
جوه السجون
دوقوه طعم الصعيد
المتين صلب الحديد
ثم بعد ماتشبعوه هوه وابوه
وابو ابو اللى خلفوه
انحروه
وارجعوبه فرقوه
وزعوا لحمه على انياب الكلاب
بعد ماتلفوا بيه على كل باب
خلصوا منه عمايله السوده
وسنينه الهباب
لجل مايبقى عبره لكل الغرز
كل الفيران والتعالب والعرس
اللى من قومه ومن عيلة الجرس
من فصيلة الفضايح والقبايح والدبايح
من فصيلة الفشش
والصعيد
الصعيد العالى بيتنا
فيه بنحيا وفيه نموت
فيه طهاره وفيه اماره
والادب على كل حاره
والشرف هنا له قواله
ولو هانكتب عنه
ماتكفينا ابدا الف ميت مليون مقاله
وامهاتنا مع بناتنا وسيداتنا
فوق رؤسنا
علمونا فى دروسنا
القيم عزة نفوسنا
الاحترام هوه لحافنا
والادب هوه غموسنا
والكرامه والشهامه
مفردات حياة طقوسنا
فى الصعيد

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

“نجوم المجتمع” و”المشاهير” فى عيد ميلاد “دينا الشايب”

  احتفلت سيدة المجتمع ” دينا الشايب” رئيس نادى روتارى كايرو هايتس بعيد ميلادها وذلك …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *