ط
أخبار متنوعة

الطفلة المصرية هند تتبرع لبيروت ب100 .كنت عاوزة أجيب حاجات كتير بس أنتوا أهم

تبرعت الطفلة هند النجار بـ 100 جنيه من مصروفها من أجل مساعدة ضحايا تفجير مرفأ بيروت، وفق م أفاد “اليوم السابع”

وكتبت شيماء النجار شقيقة هند عبر صفحتها الخاصة على “فيسبوك”: “كنت بجمع من البيت تبرعات لبيروت، فهند أختي (9 سنين) قالتلي هدفعلك 5 ج، وبعدين بالمحايلة وصلناهم لـ20 وبعدين النهاردة عشان عارفة إني حروح بكرة ادفعهم في فوري وأنا رايحة الامتحان، لقيتها داخلة عليّ وأنا بذاكر وبتمدلي 100 جنيه وبتقولي بأسف – مش عارفة على 100 جنية ولا على بيروت – كان نفسي أشتري مقوي أظافر، بس الناس والأطفال اللي في بيروت أولى”.

وأضافت: “صممت تكتب لهم “من هند إلى بيروت، كنت عايزة اشتري حجات كتير، بس أنتم أهم”، وحطتلهم إيموشنات وكانت عايزة تلون وكده وتأخد فرصتها على 100 ج بس المساحة مكفتش!”

وتابعت: “فبحضنها بعد ما كتبت وبقولها “أنا فرحانة إن دي أول مشاركة”، فأصدرت “جعورة” خرمت طبلة وداني: “لييييييه، هو في مشاركات تانية؟ هدعيلهم ميموتوش تاني عشان الفلوس اللي معايا يدوب تكفي الشيبسي والشيكولا… هند طلعت إنسانة.. وحقيقي مبسوطة بيها ونفسي لما تكبر تفتكر الذكرى الطيبة دي”.

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى