مسابقة الشعر العامى

الطيبة ..مسابقة شعر العامية بقلم / اسامة مصاروة من فلسطين

اسامه مصاروه
الطيبة – داخل الخط الأخضر بفلسطين
يا مصر جيت لك والتقيت
طيبه ومودّه في كلّ بيت
يا مصر جيت لك ومّا جيت
دوقت الحنان حتى ابتديت

أعشق زماني من جديد
من بعد حيره وشوق شديد
من بعد ما حسّيت وحيد
في دنيا قاسيه كالحديد

يا مصر طول عمري بجيب
للقلب سيرتك كالحبيب
يا مصر ما حسّيت غريب
للحظه فيكي بل قريب

يا مصر جيت لك لمّا خاب
بالناس رجايا وقلبي داب
دقيت وفي الحال استجاب
للدقه مليون باب وباب

يا مصر انا دوقت الهنا
أوّل مرجلي جات هنا
يا مصر انا نلت المنى
بعد المشقه والضنا

يا مصر يا اغلى وطن
للحب والشوق والشجن
يا مصر في وجه المحن
صامده وعلى طول الزمن

يا مصر يا فخر العرب
يا مشرِّفه كل الحقب
مجدك على الصخر انكتب
والنيل رواه وفيه العجب

يا مصر يا زينة النجوم
يا امّ الحضاره والعلوم
نفسي أشيل عنك هموم
وارفع راياتك للغيوم

يا مصر شعبك لن يلين
غير بس لربّ العالمين
من النهارده وكلّ حين
مفيش متاجره بإسم دين

يا مصر جاي لك من بعيد
جاي لك بحب كل يوم بزيد
يا مصر هتعود لك أكيد
أيام جمالك من جديد

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق