الرئيسية » مسابقة الشعر العامى » العشق ..مسابقة الشعر العامى بقلم / نجلاء احمد القط من مصر

العشق ..مسابقة الشعر العامى بقلم / نجلاء احمد القط من مصر

نجلاء أحمد أحمد القط
جمهورية مصر العربيه الإسكندرية
رقم الهاتف ٠١٠١٥٠١٤١٠٤
قصيده عاميه بعنوان
العشق

العشق سيبه مطرحه

ماتلمسوش ولاتجرحه

لما المشاعر تبقى بور

راح تجنى إيه أو تطرحه

الشوق نسيم سافر إليك

وبعادك انت ماريحه

شجر الحنان مروي جفا

ونيلك دا بحر مملحه

والحضن مروي بالدفا

طيفه ف سماك ما بتلمحه

كتاب سنين عمرى اكتفى

لاحتقرأ فيه ولاتشرحه

غرقت خلاص الذكريات

ولا عادوا فيك راح يسرحوا

كفروا خلاص ببحور عنيك

ولا فيها قادرين يسبحوا

ترسم خيوط النور حنين

عطر بقساونك تمسحه

ينزل على جبين السنين

ومع الليالي بيتمحوا

والله اللى خلى روحى فيك

وبكل مين ليه سبحوا

أنا كنت بضحك وادعي ليك

لحظة ما قلبى بتدبحه

نجلاء أحمد أحمد القط

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

كان حب شديد. مسابقة العامية بقلم /سامح كمال عزت المنواتى.مصر

خاص بالمهرجان ( عاميه ) ( كان حب شديد) إنسى أى كلام من تانى دا …

تعليق واحد

  1. ماشاءالله جميلة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *