الرئيسية » الشعر والأدب » الغريب قصيدة للشاعر / محمد مغاورى

الغريب قصيدة للشاعر / محمد مغاورى

محمد مغاورى
قصيده بعنوان(غريب)

بقلمى …محمد مغاورى
______________________
وبينا ميعاد على سكه
ماليها حدود
ولا موجود على باب الأمل
مطرود
ولا مردود من الأحلام
مابينا كلام
ولابنّام على ضحكه
ماليها وجود
ولاهنجود
على حيطه من الأوهام
تكون مايله
تكون قايله
كلام العشق للفرقه
فتترقى
تقوم سارقه
حدود الحلم من أرضك
يابنت الجود
وتزرع فى الخلا بينا
طريق مسدود
وتتمنى
أكون ليها أنا المنشود
أنا المسنود
وانا المستنّى
من بكره كلام مفقود
وكام همسه…. من الموعود
…………………………
كلام مشهود
علينا شهود من امبارح
ونخل الحلم كان طارح
مابينا وعود على إنك
تشيلى القلب فى الننى
وتستنّى
أجيب الفرحه من بكره
ولو فكره
على فكره
هترسمنى
على بابك أنا الموعود
……………………….
أنا المعقود على رايه من المنشود
بقيت موجود ومستنّى
رجوع النفس من الغربه
ولاصعبه أكون مهدود
أكون مخضوض
من العنوان اللى مش عارف
طريق الرجعه
ليه خايف
يكون مرصود
يكون مقصود
يكون جنه مافيها خلود
صحيح
مقصود نكون فى اللعبه ابطالها
ونسألها عن الفكره
تقول فاكره كلام الحلم
ونسيتوا
طريق الرجعه مش عارفه
ده ليه مسدود؟
أنا فى الغربه أيامى
بتبنى سدود
أنا فى الفرحه أحلامى
ماليها وجود
أنا الموجود.. ومش موجود
على شط الكلام حلمى
وأنا حلمى أكون آيه
فى أيد بكره
على مدنه
وفيها الغربه قد تاهت
ماليها وجود

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

كما كوبرى ثلج .. بقلم الكاتبة / حكيمة جمانة جريبيع .الجزائر

كما كويرة ثلج ..بيدي ذاب عام..وما ذاب وجعي العنيد أفرغته في جوف الفرح ركضت به …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *