الرئيسية » الشعر والأدب » الفرحه لما تزيد.. قصيدة للشاعر / مبروك البنا

الفرحه لما تزيد.. قصيدة للشاعر / مبروك البنا


——————-
هحكي واتحـاكى عنك
لأنـي انـــا حـتــه منك
انت أملــي وحـيـــاتـي
مقـدرش استغني عنـك
يا دُنيـــا يـــلَّا روحــي
جـاني طبيـب لـروحي
هشوف الدنيا من تاني
بعيونه تطيب جروحي
هسهــرمعـــاه ليــلاتي
واقضي معــاه حيــاتي
وأفضفـض ع اللي بيه
تـرجعلي تـــانـي ذاتـي
يا فـرحــة قلبي بـيـــك
وأمــــان لمسـة أديـــك
لـوغـبـت تـــاني عنـي
والله هـمــــوت عـليـك
سبحــانه خـلـق وأبـدع
مـا أجـمــل ومـا أروع
لا عـيـن رأت جمــالك
ولا أذن عليــك بتسمع
هـواك حلــم جميــــل
وقلبي إلـيــك بيميــــل
سحـرك مالوش نهـايه
عـايق ورمشه كحيـــل
يا سحرها دوبني كفايه
يا حضنها جنه ودفـايه
ياجفنها تــاج الوردايـه
شمس وضله وقمـرايه
ارفــق يــا هـــوي بيـه
عـلــي قــــد خـطــاويه
الفــرحــه لـمـا تـزيـــد
تـدمـــع لـهـــا عـنـيـــه
مشوار هــوانا طـــويل
آهـيـن وآه يــا لـيــــــل
السهد مخلــوق عشانك
والـدمــع والمــواويــل
—-[مبروك البنا]—-

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

إضحك..قصيدة للشاعر / محمد البدراوى

إضحك للشاعر محمدالبدراوي   ضحكة بصوت مخنوق ولازم منها تفوق إرميها يلا وراك عشان الدنيا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *