مسابقات همسه

القصيدة الفائزة بالمركز الول لشعر الدويتو (عامى) للشاعرة وفاء الدر من مصر

دويتو مملكة الحب
—————–
الأمير :
سهران أغني للقمر
هيمان ويحلالي السهر
أحكي حكاية حبنا
وأعزف على نغم الوتر
————
الأميرة :
جاني النغم مع الهوى
يداوي قلبي اللي انكوى
وبرقته داوى الجروح
كان قلبي عطشان وارتوى
———————-
الأمير والأميرة معاً :
حياتي إيه من غير هواك
حبي الوحيد أموت فداك
———————–
الأمير :
اللي على بالي خطر
متع عنيا بالنظر
زي الملاك في رقته
وازاي يعيش ويا البشر
———————–
الأميرة :
ياللي العيون سألت عليك
والقلب كان نبضه يناديك
شوف أد إيه محتاجة ليك
وللحنان اللي ف عنيك
————————
شد الوتر واعزف عليه
تلقى هواك مكتوب عليه
انت اللي علمته الهوى
و ف سكته خدت بإديه
———————–
الأمير والأميرة معاً :
حياتي إيه من غير هواك
حبي الوحيد أموت فداك
————————
الأمير :
فاكرة حبيبتي لما كان
قلبي أنا مجروح زمان
انتِ اللي خففتي الألم
حسستي قلبي بالأمان
————————
من يومها وأنا عايش سعيد
وعمري يوم ما هاكون وحيد
قلبك معايا ليل نهار
وقلبي عايش من جديد
————————
الأمير والأميرة معاً :
حياتي إيه من غير هواك
حبي الوحيد أموت فداك
————————-72853_472549339484458_1214320259_n

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق