مسابقة الشعر العامى

القطر وقف هنا.مسابقة الشعر العامى بقلم/ محمد خالد شفيق

خاص بالمسابقه
الشعر العاميه
محمد خالد شفيق
الشهره/ بيبو
البلد / مصر
رقم الهاتف/01284960416
رقم الواتس/ 01284960416

القطر وقف هنا
حمل بواقى الحرب جوه المصاب بالعما
استاذ مشاعر صرخ قال انه مش هيحب
لم الكسور فى كياس واتعلم انه يصب
ويحط 100 ترباس على اتخدع منه
استاذ مشاعر تعب
بقا عنده كوم اصحاب على كام حبيبة
ورق كل الى فيه اتسرق
واتبخرت فرحته من ذكريات هشه
سلم نفق صدمته مفضلش ولاقشه
بقا كل شى مختلف فى الليل بيتخفا
ويروح على العله مدمن بشات يومى
وازاى يكون طيب واتخانله كام مره
كام واحدة قام قالها السكه مش ضاله
بكره اكيد هنكون وانتظرى منى معاد
اول ماينهى الشات بيكون حبيب غيرها
ويقرر المأساه
مبقاش فى يوم يكتفى والاكتفاء له حياه
الحب ثم الحب والاحترام واجب
كل المدارس فيه امتنعت الواجب
علق حياته بوهم مليان وشوش صادمه
والصدمه غلابه جايين تلوموا عليه
ومفيش بشر كاملين كل الاحبه
التقو واحتفظوا بالفتارين
من غير وجود لحساب
تلت القلوب خاينه والتلت فيه كداب
استاذ مشاعر تاب قرر يكون وحده
والمشكله مش فيه المشكله التيلفون
اول مايدى الصوت يتحرك المجنون
ويزيد خطاه بالليل
يبدء فى سهره ضحك ثم اكتئاب
معروف يوصل لارض الخوف
ف يقوم مصاحبه النوم
ويقرر الماساه ينسى الحياه المايله
ويبص للكوبايه من نصها المايل
باين عليه انه اتحرق سايب صديده
يبخ برفان صديق للالم ف اتصاب
بمهنة صنم بياع مشاعر ورق
لما انتو مش قدها بتقولو ليه ياحياه
بتقولو ليه بنحب لما الظروف وقتها
كانت مناسبه الضعف
كلمه بحبك ونس مش سهل تطلع كدة
كل القلوب طيبه بس احنا فينا الشر
وساعتها غرزة حدث خبيتنى فيها ك حر
لسا الطريق ع البر والنحو فيكي
مكانش فيه مبتدا هو الى بيكي ابتدا
وازاى تكونى سبيل شلال سما مغيمه
رغم ان فيكي السما راسمه القلوب
مزازيك وعد الاحبه افترق م الصعب
يكمل بيك مش ليك اكيد معجزة
لفت غصون فرعها وازاى تكون زيها
وهى مش زيك عدت عليك فى المطر
ما قالتلك ازيك غرقان فى طين حبها
ممسوس جنون بالهوا
دايره غيوم الحب بدات بجرح شعور
كان سهم صاب قلبها وانت اما جيت
وقتها قلبت شعورها عليك
ف السهل مش ممتنع تتسلى اكتر بيك

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

‫2 تعليقات

  1. الشعر العاميه
    اللاسم : عبدالشافي عصام
    الشهرة :شيفو
    البلد /مصر
    رقم الهاتف/٠١٢٢٦٣٧٨٤٢٤
    رقم الواتس/٠١٢٢٦٣٧٨٤٢٤
    اهل النميمه
    اتوصوا بيا
    وشوهوني وسطهم
    علقوني ف مشنقة
    كتر الكلام
    بروزوني ف عشهم
    دارتس رخام ..
    رشقوني بسهمهم
    وانا كنت غايب
    قطعوني فـ اكلهم
    ولـنفسي سايب
    سكنوني فـ نمُهم ويقولوا
    عايب
    ..
    فـ كنت اعايب ..
    واقول لنفسي
    صلبوك مخدة للوجع
    وقت وقت اما تحلى
    يقربوك ..
    وسابوك ف همك ياجدع
    نموا وباعوك ..
    ورموك ف مخزن ذكرياتهم ..
    عزال قديم استهلكوه ..
    كسروه
    شوهوه
    و اما راحت زهوته ..
    قلوا وباعوه
    انت مين ف الدنيا اصلا
    يعرفك ..
    ولا حس بيك ..
    ضلمة حياتك وحدتك
    حبك ماضيك
    ياما قالوا ليك
    انك غريب ..
    فيرس …كئيب ..
    ع طول مضلم ف الصور .
    حابب تغيب
    سهران تحايل ف الوجع
    انه يسيب ..
    عمال تراجع ف الصور
    ولا يوم تعيب ..
    ويوم ماروحت لحد فيهم
    صابك بـ عيب ..
    اعلن هجومه الشرس
    انت كئيب ولافيك
    مشاعر من اساسه ..
    شوية اغاني
    باسم الوجع
    ع مود حزين
    والكل داسه
    روحك بتطلع .. ؟!
    ياجدع !
    للدم ناسه …
    ..
    انا قولت ماشي
    وانا جرحي ماشي
    فـ طريق الذكريات
    انا صاحبي مات
    عديت حاجات
    وبشوف حَاجات..
    للبشر فعلا غريبه
    حب النميمه فـ بعضهم
    والكدب خيبه
    ان غبت مره اتشتم
    وان جيت في طيبه
    فعلا غريبه ..
    اسند فـ نفسك واتسند
    عكز عليها..
    واوعاك تحن لحد فيهم
    واعتمد ع شاريها
    ..
    ع الي شاريك
    ع الي ف إيديك
    اوعاك تسلم ياجدع ..
    عُمرك شاريك
    اهل النميمة هما صحابي
    انا ياما تعيت منكم
    وقفلت عليا بابي ..
    وقولت عنكم
    كتاب كتابي
    لكن كتابي بيكوا اتلعن
    وسط الحكاوي
    وسط الحبايب
    والصحاب
    وسط
    القهاوي
    كنتوا صحابي ؟..
    كنتوا صحابي
    وقتها وف ضهري سيف
    كنت حبايب جوه عيني
    براها زيف
    انا كنت اصلي ..
    واقول لربي
    شكراا كتيرر
    انا ليا ضهر ف صحبتي
    وكتير في خير
    بسهر كتير
    وافكر كتير..
    ازاي افرح حد فيكوا ف شدته
    واكونله بير .. ؟
    اكونله ام
    يتعب ف اضم
    يكسر ف الم
    يحدف ف سم
    وانا بس طالب
    فرحته ..وأخف هم
    انا كنت حالف فـ السما
    اخدكم واطير ..
    واقول لكل الناس
    شوفوا .. معايا مين
    شوفوا الصحاب
    و المرجله وعشرة سنين
    شوفوا وصلوا
    بيا فين
    شوفوا شنقوا غيري
    مين
    شوفوا فعلا هما مين ؟
    شوفوا بعد القصه
    دين
    يرتضي بقى بـ الي كان ..
    شوفوا اي نهايه تانيه
    وقتها هنرجع صحاب ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق