الرئيسية » مسابقة الشعر العامى » الملحمة .مسابقة الشعر العامى بقلم / طارق العجمى من مصر

الملحمة .مسابقة الشعر العامى بقلم / طارق العجمى من مصر

قصيدة ( الملحمة ) بقلم/ طارق العجمي – الشرقية – مسابقة شعر العامية
___________________________________________
بصرخ بصوت..
شايل أنين الملحمة
بحر الرحيل..
دايما نهايته مؤلمة
وطني حزين..
وعروبتي باتت منهكة
ألجأ لمين..
رافع لربي المظلمة
………….
شارع كبير..
والحرب فيه مبتنتهيش
ريحة البارود..
تقتل شيوخ أطفال وجيش
وبرغم اننات الصراع
الحلم ضاع
وانا لسه تايه ع الشطوط
بحلم بحضن يضمني..
وقت الممات
الوقت فات
والحلم رافض يوم يموت
الشمس طلعت م المغيب
والنور خلاص قرب يغيب
والروح في آخر صبرها
تحضن مآسي حتفها
وسط الحيتان
قلبي ساعتها مات جدع
ولا عاش جبان
الروح بتبلغ حلقها
ومازلت بحلم بالنجاه
مددت بصري للسما
وحضنت نور
فجر الظلام الي اتعمى
وقف الغروب
ساعتين حداد على مشهدي
يسمع صدى
صوت الصفير والزقزقه
كانت وحوش ال
بحر حينها بتهتدي
كانت حبالي ب
ربي لسه معلقه
عمال اهيمن للموالي
تخوض معارك نصرها
لكن أنامل
كفي كانت مرهقه
نزلت اديني
فوق جبيني ملططمه
أصبح طشاش
اصراري حاجه محطمه
داب الجسد وسط الجليد
وبقيت خلاص انسان حديد
نايم ممدد ع البراح
الموج بيضرب
جسمي وبكل ارتياح
تاه الدليل من جوه عيني
ف لحظة واحدة واتسرق
مدد ايدينه البحر جوه
جيوبي طال كل الورق
لاجئ لأرض المذنبين
حتة عجين
ومكنش خوفي اوصل لهم
كان كل همي وقتها..
أنا أبقى مين؟.

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

فوق الأفيش . مسابقة الشعر العامى بقلم / رضا أبو الغيط . مصر

خاص بالمسابقه الاسم رضا أبو الغيط – مصر ٠١١١٠٦٣٠٢٤١ فوق الأفيش ********** فوق الأفيش صورة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *