الرئيسية » مسابقة الشعر العامى » النيل ..مسابقة الشعر العامى .بقلم / عبد النبى محمد رمضان من مصر

النيل ..مسابقة الشعر العامى .بقلم / عبد النبى محمد رمضان من مصر

خاص بالمسابقه
نوع العمل / شعر العاميه
اﻻسم / عبدالنبى محمد رمضان
البلد / مصر
ت/ 01111362114

اسم العمل / الـنيل

بالليل وانا نايم علي شط نهر حنون
حلمت انا بأبرهه ومعاه وزير مجنون
أل أيه هيقلب زمان ولا نظام الكون
بس النظام ده أتعمل قبل الزمان مايكون

النيل هينشف ياهبه ياللي انتي بنت النيل
لساك يا فيل أبرهه تحلم بتسبق خيل
قولوا للكبير أبرهه لو بين أيديك النيل
مش راح نعيش كلنا من تحت بطن الفيل

فيلك ياعم أبرهه ولا بني صهيون
لو حتي مسكوا القمر المصري مش هيكون
أبدا ذليل للغير ولو هتبنوا سجون
لشريان الحياه ده يبقي منكوا جنون
المصري ما بيركع الا لرب الكون

يمكن تكون أحلام والحلم بيخوني
ده يبقي حلم عبيط تعبان سمك كلني
وانا في عريني أسد حتي إن كبر سني
ولا يكونش الحبش ركبهم الجني
ولا ولاد صهيون نسيوا اللي كان مني
النقطة منك يانيل أفديها أنا بدمي

ياوزيره روح فهمه اني ابن نيل مش عويل
وفين تروحي ياهبه لو نشفولي النيل
وفين يروح ياابرهه مركب في بطن النيل
وفي قلبها عشاق يتغنوا في المواويل

ومراكبي وعياله في المركب التانيه
عاملين ولاده فرح علي سمكه بلطيه

ومركبه كبيرة فيها أغاني كتير
وعروسه وعريسها أميرة ومرات أمير

والواد بيتمشى ماسك في أيد البنت
طايرين في دنيا الغرام مع أغاني الست
يروحوا فين كلهم لو أتسرقت يا نيل
يبقي يشيب الواد وتبور معاه البت

والارض الطيبه وزرعها الأخضر
أزاي يكون يا أبرهه لو يوم قفلت الهويس
متقول لهم يانيل ياللي أنت أجمل عريس
و في بطنك كام عروسه اللي أخرهم هميس
ان اللي فيهم يفكر تفكير ولاد أبليس
ان هبه لو فؤاده ده حبشي مش عتريس

أصحي وفوق يا أبرهه لو أنت حارسك فيل
النيل ولاده أسود وصبرهم مش جميل
أرفع راسك لفوق ومتنكسرش يا نيل
ده لو ما فاق أبرهه نقطع له راس الفيل

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *