الرئيسية » مسابقة الشعر العامى » امل ميت .زمسابقة العامية بقلم / على سعيد محمود ابو بكر من كصر

امل ميت .زمسابقة العامية بقلم / على سعيد محمود ابو بكر من كصر

مسابقة العاميه المصريه
الاسم علي سعيد محمود بكر
(علي ابوبكر)

(امل ميت)

العمر فات
والحلم مات
موت معاه الامنيات
وسط الغيوم
جاتنا الهموم
صحت امال الذكريات
فجأه انتبهنا
والليل سرقنا
عشنا التاريخ
ومشينا للخلف بثبات
جايز رمانا وسط نار
جايز لقينا الليل نهار
جايز كمان
بين التاريخ والفهلوه
صدقنا روحنا من سكات
صدقنا ان المجد باقي
صدقنا ان الحلم باقي
ومابينا حلقه مفرغه
وهتتوصل عند التلاقي
وهيتوصل
دم العروبه بالفرات
وعرفنا ان دا مستحيل
صابنا انهزام
اصل العروبه مش كلام
مش في اجتماع
لبلاد كاسيه الانعدام
لبلاد ذليله
تاهت في اوهام السلام
حجبت بإيدها شمسها
تاهت ماشتت شملها
غير التعالي
غير التفاخر بحكايات
عشنا التاريخ
ومشينا للخلف بثبات
واعدائنا سرقو حلمنا
سرقو مناجم ارضنا
وسابونا ناكل بعضنا
خلو الامل
في عيونا مات

علي ابوبكر

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *