مسابقة الشعر العامى

انا البحر .مسابقة شعر العامية بقلم / صلاح الجابرى المصرى من مصر

صلاح الجابرى المصرى
مصطفى الجابرى المصرى · 

انا البحر
……………
انا البحر من غير موجه
ولا نسمه هوا وهوجه
ولا شط ارتاح فيه
ولا شمس فى الشتا تدفيه
ولا عصفورة الميه
تملى ترسى بحنيه
على شطى
انا البحر ومالى مى
لاانا ميت ولا حى
ولا رايح ولا انا جى
ايش فى سكتى لقيته
زمانى مشيته و جريته
ولايوم لساعة ذكرى بقيته
والموته على شطوطى
زى الحى
تعالى ندور فين المى
الم نازف لونه زى
حجر صوان بيعكس ضى
وقلوب ماتت سكك فاتت
نفوس مليانه مالها زى
فى وسط الموجه
حلمى غى
حلمته انا فى ليل
ماله زى
فيه بكره وامبارح
و موج سارح
على شطى
وورد بكل لون متغطى
وتوته
تتمايل شمال ويمين
وتوطى بورقها تطول
المى
وندى شايل كتير قناديل
وناس سارحه م البدرى
فى فجرى الف دليل
وطول ماالموجه سرحانه
تروح ترجع اهى معانا
لمانا ولما الود جوانا
ونسمة صيف شتا وخريف
تجيب ف جناحها بحنيه
لون الطيف بشر راجع
وناس ماشيه
بامل سارح في عوده
وانا راسى بحنيه على شطى
وطير راسى على شراع
عالى بلون الضى
انا البحر والموجه بس ف حلم
وصبر سنين
ناس للضى كتير راجعين
معاهم توب
مكتوب فيه
يابحر الناس كفاية غربه جوانا
كفاية الموته لفانا
كفاية سنين واخدانا
لشط الغربه رميانا
ودمعة عين عطشانه
لناس على شطك
بتحلم تانى بالعوده
وكلمة شكر بالجوده
وحضن يدفى برد سنين
وانت بتنادى
يااااااااااااااااااااااااااناس راجعين
لوطن مجروح
موت مرصوص فين ماتروح
سجون يا وطن انا المسجون
انا البحر انا المدفون
انا التايه انا العاقل انا المجنون

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

‫2 تعليقات

  1. انا البحر ومالى مى
    لاانا ميت ولا حى
    ولا رايح ولا انا جى
    ايش فى سكتى لقيته
    زمانى مشيته و جريته
    ولايوم لساعة ذكرى بقيته
    والموته على شطوطى
    زى الحى

    كلمات جميله من شاعرنا الجميل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق