الرئيسية » مسابقة الشعر العامى » انا صوت شهيد مسابقة شعر العامية بقلم / محمود فوزى محمد من مصر

انا صوت شهيد مسابقة شعر العامية بقلم / محمود فوزى محمد من مصر

الاسم / محمود فوزى محمد
الدولة / مصر.. محافظة اسيوط
التليفون / 01026307251
الفئة / شِعر عامية ( انا صوت شهيد )
.
.

انا صوت شهيد
ف الحق قرر
ما يسكتشى
انا خوفى قالى لا
انطق ومتخفشى
انا كل نقطة دم
كانت عالارض ومنشفتشى
انا كل روح راحت
للى ميظلمهاش
انا لسه اهو بدور
عالحق الى مجاش
عن دمعة ام شهيد
عالخد نازلة تسيل
تمنع معاها الصمت
تحكى كتير مواويل
عن ابنها الى اتقتل
ف مظاهرة امبارح
جالها خبر موته
ده كان شباب طارح
ولا ابنها التانى
الى اتقتل على ايد جبان
فرقنا ليه نفسنا ؟
حكمنا اللى خان !
مش عارفة تندب
حظها ولا تفرح
زرعت حبوب عمرهم
وكانت مستنية تطرح
دى بقالها ف الجنة اتنين
ويابختها مين زيها
عيالها هيشوفوا نبينا الزين
ولا تزعل انها جابت ولاد ؟
ياريتها ما جابت ولاد
كان مالها خلفة البنات
كانت ماشيلاش همها
غير بس يومها
نزلت عشان تجهز فرشها
لا تقولى ماتت ف سينا
ولا حتى قتلوها ف مظاهرة
نرجع نقول حقك علينا
العيب مالينا احنا يا طاهرة
لكن ندراً علينا ودين
ولجل عيونك الساهرة
لنجيب حق عيالك الاتنين
وتمشى بينا متفاخرة
يامصر شوفى كام شهيد
ماتوا فدا صوتك
كفاياكى ضعف وذل
متحررى سكوتك

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *