الرئيسية » الشعر والأدب » مسابقات همسه » ( انا فى الحدوته ) مسابقة العاميةللشاعر/ مجدى عزالدين من مصر

( انا فى الحدوته ) مسابقة العاميةللشاعر/ مجدى عزالدين من مصر

 

( انا فى الحدوته ) اشعار ا/ مجدى عزالدين قصيدة بالعاميه

أنا فى الحدوته

انا فى الحدوته الألفيه *** حدوته زمن الحريه

مسرحها أرض كرويه **** مركزها ناس أغنية

أوربية يابانيه **** أمريكية وهى دايره

أنا ساكن فى محطها *** فقير يتطلع للهجره

مليت أوطانى الندره **** مفتون بمراكز وفره

هعيد صياغة نفسى **** واصبح بدوى الألفيه

أنا فى الحدوته الالفيه ***** رمز القوة والحرية

أنا موجه تغير **** جبال موجى معرفيه

رحالة وانا ف مكانى **** لأى مكان فى الدنيا

بجناح موج الأثير **** أتحدى حدود سياديه

عنصريه عرقية *** سما الاسوار الحدوديه

حتى استهلاكى للسوق *** ثقاقة سوق عالميه

أنا أنامل تواصل *** تعزف بحروف أبجديه

وجدانى جماعى متفاعل *** تويته رايحه وجايه

أنا البدوى الجديد *** صناعة زمن الألفيه

حياتى وعقلى وقيمى *** رمز القوة والحريه

بالهندسه الوراثيه *** بتهندس أمور حياتيه

بتشكل إنسان تانى *** بوسائل تكنولجيه

هى إمتداد لحواسى *** ووظايفى الجسميه

بدو قطيع إليكترونى *** بدو رحاله أغنيه

بريق جواز سفرهم *** عصر شديد الرمزيه

صناع طموح النفوس *** نفوذ ومنفعه ربحيه

تفرش بإبداعها المغرى *** سوء الاحلام الورديه

سوق مركز صناعة بشر تتباع سلع تجارية

عشق البدو رُحل أكل لحوم بشر صناعيه

عصر وهب عولمة اجتاح حاضر عايش ميت دنيا

ياإما يا حاضر ندره *** تلبس ستره دهبيه

تجذب مال المستثمر *** ينميك تنميه

تصبح يا حاضر وفره *** ومستقبل رفاهيه

يا إما يا حاضر ندره *** إنت فائد وعى وقدرة

وعصفه عولمه هدوسك ** بسنابك عولميه

وتصبح أشلاء وهريس *** وتموت جذور وهويه

هى دى دنيا الألفيه *** بدوب فروق ثقافيه

حتى لو كانت بربريه *** بطاقه الذاكرة شخصيه

وحدة ثقافه ومعلوماتيه ** * طرف صناعى للبشريه

داب الفرق بين الحيا *** والموت لذوات صناعيه

فين الشعور بالموت ؟ *** فى الرعشه الاخيرة الجسديه؟

ولّا ف نسيان الآخرين *** لأنك تمثال الحرية ؟

يا حى منتج مثــّال*** تمثالك ذات صناعية

يقدر تمثالك يتكلم *** عن الحياه الانسانيه

والناس شيفاه جماد *** بروح إبداع البشريه

آه يا عالم قرية *** واسع وضاق بيا

بصنع نفسى بنفسى *** أنا ذات صناعية

ابن الموجه التالته *** سلعة متباعه ومشريه

عجبى عليك يا زمان *** يا لها من سخريه

انتاج ذوات بالجملة *** محسوب على الانسانيه

ذوات مدبوحه وطن *** وماتت فيها الوطنيه

يا كوكب أرض البشريه *** من يوم ما جيت الدنيا

وأنا اسير الجاذبية *** أم القبضه القويه

قبضه شدانى مكتفانى *** بين خطوط وهميه

كدابه طولك وعرضك *** كدابه يا كوره ارضيه

انت زنزانه عمرى *** بلا اسوار مبنيه

انا فيا الخير والشر *** وحق الاختيار ليا

مليت عالم عولمتك *** عالم مجهول الهويه

مدمر ولا معمر *** برموزه الابداعيه

ولّا سباق للقاع *** ولّا اندفاع للهاويه

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

أوبريت غنائى يجمع كل العرب فى مهرجان همسة القادم

فى تطور لشكل مهرجان همسة ومن اجل تقديم كل ماهو جديد يستعد القائمون على مهرجان …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *