ط
الشعر والأدب

انا مش حكواتى.قصيدة للشاعر / حسن بعيلة

انا مش حكواتى…

وماعرفش اتكلم عن اى حاجات

واسترسل ف الموضوع واقول

انا بيت مقفول

يتفتح البيت يطلع واحد

يترد الباب من تانى عليه

مع انى كتير شايل حكايات

البوم الصور اللى ف ايدى

مافيهوش تصاوير

ولسانى اللى بينطق عربى

محشور ف البير

…..

بيكون ف البال احساس مكبوت

لو يلقى كلام

هايكون بالصوت

ويزعق…. لو امكن يصرخ

و يبرطم… حتى ان كان بيموت

و بحور الشعر مخاصمانى

و بتدى الاول والتانى

وانا اول لكن مش قادر

و بدش كلام جاى ف الاخر

والشعرا كتييييير

مالقيتش بيوت

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى