الرئيسية » الشعر والأدب » انت قاعد ليه بعيد..قصيدة بقلم / خالد محمد

انت قاعد ليه بعيد..قصيدة بقلم / خالد محمد

((انت قاعد ليه بعيد))
*****************
انت قاعد ليه بعيد 
ليه مُصر تكون وحيد 
حزن طالل من ملامحك 
و الأسي في عينيك شديد 
قول لجرحك لا لا لا لا 
خلي فرحك يبقي حالة 
هفضل اصرخ فيك تعالَ 
هفضل أحكي و اعيد و أزيد 
انت قاعد ليه بعيد
مهما عدّي عليك خريف 
لسه جاي قدام ربيع 
اوعا تبقي في يوم ضعيف
اوعا املك يوم يضيع 
لو في محنة تعدي بيك
لسه فيه ييجي الف عيد
انت قاعد ليه بعيد
داوي جرحك و اطوي يأسك
سكة الافراح قريبة
حرر المكبوت في نفسك
لسه فيه في الدنيا طيبة
حضني عايزك فيه هتلقي 
عمر تاني بتوب جديد 
انت قاعد ليه بعيد

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

أشفق عليك ياقلبى .خاطرة بقلم / إبراهيم راضى

أشفق عليك يا قلبي المسكين……. أشفق عليك من كثرة الألام كل وقت وحين….. أشعر بأنك …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *