كتاب همسة

انيس بوجوارى يكتب. :28 حاجة حلوة في دراما رمضان

1.مخرج واعلامي ناجح عارفين من زمان بس كده ؟ لا (لدينا أقوال أخرى) عمر زهران ممثل مهم!

 

2.بعد (الرحلة) الرمضانية اللي عشناها معاها اللي مش حيقول ان (حنان مطاوع) استاذة تمثيل كلامه مايتاخذش بيه وحيتسجل (ضد مجهول) !



3. حبعث (رسايل) لمي عزالدين اسألها كنتي مخبية الاداء ده فين!

 

4. الجمهور صبر كام سنة على مصطفى شعبان صبر(أيوب) بس النتيجة صبروا ونالوا عمل حلو!!

 

5.في مواهب تبدأ عادي جدا وفي مواهب تبدأ من (فوق السحاب) زي ميرنا نور الدين!

 

6.ثراء جبيل مشروع نجمة مهمة غالبا حنستمتع ب(الرحلة) الفنية لاعمالها!

 

7.بقى (أمر واقع) ان نيكولا معوض ممثل مختلف ومتطور!

 

8.نور محمود موهبة مش مؤقتة لكن (أمر واقع) انه قدامه مشوار و(رحلة) مليانة نجاحات وبعيدة عن ال(إختفاء)

 

9.شريف إدريس اكد ان مساحة الدور مش شرط علشان تكون(نسر) تمثيل!

 

10.فتحي عبدالوهاب ونور قدري ثنائي كوميدي في مسلسل مش كوميدي ال(عوالم الخفية) بتؤكد انهم ممكن يعملوا كوميدي وانا اول حد مستعد اشوفه!



11.هشام اسماعيل اكيد مش عارف يقرا ال(رسايل ) اللي بتجيله من جمال دوره!!

 

12.توني ماهر ومنى فاروق وسارة الشامي وغادة طلعت لما الانتاج يكون (رحيم) بالمشاهدين ويقدم وجوه شابة تشرف!!

13.صبري فواز مش (رحيم) بأي مشهد يكون فيه مسيطر ع الاخر!!



14.هشام سليم كل مابيكبر كل مايزيد هيبة في التمثيل صعب موهبة زيه تقرر ال (اختفاء) !

 

15.لازم نوجه (رسايل) شكر للي رجع احمد خليل ونبيل نورالدين!

 

16.محمود حافظ حيخرج من (ارض النفاق). عدل على (ارض النجومية)

 

17.بعد اللي عملته ايتن عامر في شخصية سماح لازم تصبر صبر (ايوب) علشان تلاقي حاجة احلى من الشخصية دي!

18.(اختفاء) الدور الحاد لسناء شافع وتميزه في دور الاب الحنون!

 

19.منى عبدالغني احساسها (فوق السحاب)!

 

20.سلوى عثمان علشان توصل لموهبتها محتاج صبر (ايوب)

 

21.رانيا فريد شوقي بتمثل بصوتها وممكن تعيشك في (عوالم خفية) من عمق احساسها!

 

22. موسيقى تامر كروان حتسرقك وتكون سبب في (اختفاء) روحك وانت سرحان معاها ,وموسيقى خالد حماد كفيلة انك تشوف (عوالم خفية) لو غمضت عينك

 

23.لبنى ونس مش بالضرورة تكون (رحيم) بالشخصية اللي بتقدمها بس الاكيد ان ادائها في كل الحالات حيعيشك (رحلة) ممتعة!



24 . من كثر ماحتصدق بشرى ممكن تتمنى حد يخطفها وياخذها بعيد حتى ولو(عوالم خفية) !

 

25.محمد يونس ممثل على الارض وبيلبس الشخصية حتى لو كانت جاية من (فوق السحاب) !

 

26.عبدالرحيم حسن حتصدقه وهو محامي ممكن يخليك تقول (لدينا اقوال اخرى) او حيوديك ورا الشمس وفي (عوالم خفية)!

 

27. (امر واقع ) مش من (ارض النفاق) ياسر علي ماهر جواه كوميديان كبير!

28.ركين سعد عندها حضور كبير و(بالحجم العائلي) !

 

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق