أخبار مجلة همسة

سعيدة جمال المغربية .أتمنى ان ينطلق صوتى من خلال مهرجان همسة القادموسط النجوم تكريم المخرج يسرى نصر الله فى مهرجان الأقصرعندما بكت ليلى علوى فى مهرجان الأقصرمحمد شرف يغادر العناية المركزة والأب بطرس دانيال يهديه آيات قرءانيةجانجاه ..شقيقة سعاد حسنى .ماذا بعد استغلال اسم شقيقتها الراحلةدار همسة للنشر تتألق بأكثر من 35 إصدارا فى معرض القاهرة للكتابوفاة الفنان أحمد راتب إثر أزمة قلبية مفاجئةوداعا زبيدة ثروت قطة السينما ورحلت صاحبة أجمل عيونمجلة همسة تطلق شعارها لمهرجان العام القادم ويحمل اسم سمراء النيل مديحة يسرىبالصور السفراء والفنانون فى احتفالات الإمارات بعيدها القومى بالقاهرةهام لكل الصحفيين الشباب والصحفياتاللمة الحلوة ” يحتفل بميلاد جارة القمر الـ 81الإمام الأكبر د. أحمد الطيب الأول عالميا فى قائمة أكثر المسلمين تأثيراألبوم صور مهرجان همسة الرابع كاملاخمس حلقان من مسلسل الزعيم على النت فى واحدة من أعنف عمليات القرصنة

اهالى المطريه يحاكمون الاشمونى

Share Button

كتبت / حورية شعبان
نشر بعض اهالى دائره المطريه على صفحات الفيس بوك طلب رد للمرشح والنائب السابق عاطف الاشمونى ويطالبونه بالرد
يا سيادة الاستاذ انت اللى دمرت الحياة السياسية في المطرية انت كنت سبب و عامل رئيسي لتدمير الحياة السياسية و المناخ السياسي في الدايرة سيادة النائب المخضرم و السياسي الرائع و المتحدث الاكثرلباقة في المطرية بتحاول تظهر النائب المعارض اللى كان بيطالب في البرلمان بالاصلاح و بيندد بالفساد و بترفع شعارات محاربة الفساد في كل مكان و كل جلسة بتعملها في المطرية انا بقي هوجه ليك اسالة محددة و ياريت لو عندك الجرأة الكافية انك ترود ردودك تكون محددة و واضحة في نقاط بعينها و متحاولش ترد ردود دبلوماسية لانى هحرقهالك و الله هنبدأ من 2000 الاول 1-قهوة الجوكر و الاتفاقات اللى كانت بتم فيها ياترى تقدر تعلنها بكل صراحة و تقول انك شاركت في الفساد في المطرية و حيطان القهوة تشهد عليك و لى الشيشة اللى مكنتش بتسيبه من ايدك يشهد عليك و اللى شغالين في القهوة احياء يرزقون يشهدوا عليك و على اتفاقاتك 2-ملفك في امن الدولة اللى انت متهدد بيه و بقضية التجارة الغير مشروعة اللى فيه و اللى انت فاكر انها بعيدة عن اهالى المطرية انما انت غلطان و الله لانها مش بعيدة ولا حاجة 3- جلستك مع كمال الشاذلى في احد الاماكن المغلقة و الحوار اللى دار بينك و بينه هل سيادتك تقدر تعلن الحاجات ديه بشكل صريح و تقول تفاصيلها دورة 2005 تزوير فج على مرأة و مسمع للجميع بنادى المطرية ضد محمود مجاهد في محاولة لرفع عاطف الاشمونى بدلا منه و حشد الاخوان المسلمين شبابهم قدام نادى المطرية و تهديد واضح وصريح منهم لو تم التزوير و اجبروا الكل على اعلان النتيجة بفوز محمود مجاهد ياترى بقي هل حضرتك تقدر تعلن و تقول مين اتصل بيك بعد ما مشيت من النادى و رجعت مكتبك الساعة 1وربع و قالك ارجع النادى تانى يا عاطف انت هيتعلن اسمك ناجح و حصلت المشادة في النادى الساعة 2 ونص و النتيجة اتعلقت لحد الساعة 6 صباحا هل حضرتك تقدر تعلن اللى حصل بينك و بين العميد نادى اسحاق و ازاى عملتوا المستحيل و كافة انواع التحالفات عشان تسقطوا الراجل دا لانه مكنش على مزاج امن الدولة و الحزب الوطنى دورة 2010 حزب الوفد ينسحب من الانتخابات و عاطف الاشمونى يؤكد على استمراره في الانتخابات مكالمة تليفونية لعاطف الاشمونى تؤمره باستمراره في الانتخابات و عدم الانسحاب و توعده بحصوله على كرسي البرلمان بدلا من الاخوان المسلمين و تفاصيل تانية كتير مش هندخل فيها اختصارا للوقت دورة 2014 عاطف الاشمونى يترشح في دائرة الزيتون و في احدى الجلسات بيتسأل سؤال من احد ابناء عائلة سويلم ليه عاطف الاشمونى ساب المطرية و جه الزيتون يرد عليه الاستاذ و يقوله اصل الناس في المطرية مقدرتش تفهم انا عايز ايه انما الناس في الزيتون هتقدر تفهمنى و تشتغل معايا دورة 2015 عاطف الاشمونى يؤمر بالعودة الى المطرية مرة اخرى و تشكيل احد التحالفات الغير المعلنة مع اتنين من المرشحين و يؤمر بشن حملة هجوم على احد المرشحين لاسباب سياسية لا يعلمها الكثيرون و سنتحدث عنها لاحقا منتظر الرد السيد عاطف الاشمونى على ما تم ذكره وحق الرد مكفول للجميع 12083612_919882284767472_921370816_n 12167475_919885958100438_249522877_n

Share Button

تعليقات

تعليقات

2015/10/14 8:07م تعليق 0 390

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *