خاص بمسابقة همسه فرع شعر العاميه
الإسم / أحمد عباس إبراهيم
الشهره / أحمد عباس
جمهورية مصر العربية
التليفون / 01223344143
الواتس / 01123548012
https://www.facebook.com/nino.lolo.1614?mibextid=ZbWKwL
قصيدة / سيما قطر 9
و أيه ذنب القصيدة البكر يتلوث شرفها الخام
في سيمة قطر تسعه الصبح ف الزحمه ؟
فاينزل كادر ع التايهين و ع الصابرين
وحبة ناس مشاكلهم بتبقى من الأساس كلمه
سلامي للي قاطع تذكرة عمره
وماشي بيبكي في التوهة علي سنينه
سلامي للي ماشي بـ شاي
في سيمة قطر تسعه الصبح
عرقه مايه مغليه على جبينه
ومن عربيه للتانيه الشقا حادفه
وكام كوبايه على كفه
بيتعشم ف كام واحد يقوله بكام
يخفف هم حمل تقيل على كتفه
سلامي للي جاي الكادر علي وشه
سلامي للي صوت الكمسري غاشه
سلامي لبياعين الأكل
سلامي لكل صاحب عقل
بص بنظرة استغراب
من الناس اللي بيبيعوا الهوا على انه عسليه
والناس اللي جوا القطر بتشجع لـ مثليه
والناس اللي بيقولوا مافيش الله في حريه
وكادرك لسا مستغرب من الناس اللي جوا القطر
ومستغرب من العاصيين عبيد العُهر
وصبرك زي ماهو عشان تقعد بـ تستنى
كراسي قبلها بـِ سنين
وسيما ياقطر تسعه الصبح سيره لـ فين ؟
وسيما ياقطر بتحلل في سب الدين
يبص الكادر ع السفها وعلى السافلين
ويبعد عن صحاب المبدأ العالي
يغلي تملي كل رخيص
يرخص كل شئ غالي
ولو ملاقتش كرسي خلاص هاتركب عِند
ياواحد لو دخل حمام ويتصور بيبقى ترند
وقولي ازاي في يوم تصبح مثال للناس ؟؟
ياواحد محتواه كرشه اللي سابقه امتار
وواحد قال كلام هزلي صبح اشعار
وواحد كل ما يقدم يادوب خطوه
قصادها يقدم الخطوه بمتين مشوار
نهود عالمه بكام مليون ؟
وقلمك عُشرها يانزار !!
فا نمسح عمرنا الفاضل بأستيكه
وننسى في وقتها المكتوب
خلاص احنا في زمن اسفاف
مضيع انجازات يعقوب
وديما ماية القطر اللي مقطوعه علي الغلبان
بتضطره انه يشرب مايه من قوته
كراسي القطر للتافهين بقت سهله
كراسي القطر للمبدع قصاد موته
ياريت ينزل على صحاب المباديء كادر
ياريت مانكونش نتعشم في وقت وصول
وفجأه نبص للسواق نلاقي الغدر
وتنزل بصه للطيبه وللأخلاق والرحمه
وتنزل كلمه بتنور قلوب عتمه
ياريت تنزل قصايد شعر من قلمي ولو كلمه
بأن الشعر مالهوش ذنب تتلوث قصايده الخام
في سيمة قطر تسعه الصبح في الزحمه…
وسيما ياقطر .
