الاسم .سعد سعيد هبيل سعيد
جمهورية مصر العربية
تليفون +واتس اب 01226687864
صفحة فيس سعد السعيد
فرع شعر عاميه
قصيدة بعنوان كراكيب
قصيدة كراكيب
وايه باقي فى حكاوي العمىر
غير كراكيب
وكام ذكرى مع الايام
وجسم عليل كساه الشيب
ومات الحلم جوايا
صبحت غريب
بدور فيا فين عمري
مابين ماضي وبين حاضر
ملاه الغش
لقيت عمري بقى أبره
وتاه منى مابين القش .
لقيت نفسي بتوه مني
وبغرق جوا أوجاعي
وأحزاني ملازماني
وأنا وحدي اسير الليل
بصبر قلب بيعاني
وكاس المر يعرفني
وحافظني بتفاصيلي
حاولت اهرب بعيد مني
رمتنى فى بحر نسياني
لقيت كراكيبى بتنادى
فى أحلامي ملاحقاني
هربت لبحر أوهامي
رسمت الضحكه من زيفي
ف مالت مركبي غرقت
وخانتني مجاديفي
وخانتني دموع العين
ولا قبلت تواسيني
وفجأه الجسم بيتلج
وشايف روحي قدامي
حاولت إني أحضنها
ومش راضيه تدفينى
ذهول اللحظة أربكني
وكيف ياروحي بعتيني
أنا وانتي مابينا كتير
قدرتي ازاي دبحتيني
وهونت عليكي خونتينى
وليه ظهرتي م الاول
وإنتي في نيتك دبحي
ولا انتي كنتى بتسني
بكل خداع سكاكينى
كأنك لسه مش عارفه
بأني عنيد قوي ف الموت
ومهما بشوف أنا أوجاع
بقابلها بعزم أسود
دا أنا قلبي آتون من نار
ولابيضعف ولا يتهد
ولو كان الألم صبار
انا هخلق فى قلبى الشهد
ولو حلمي جنين بيموت
أنا فيا الأمل مايخيب
وهخلق حلم من تاني
ولو بالحقن فى الأنابيب
و قلبي الحر مهما يشيب
ولو جواه بقيت كراكيب
ولا هقبل أموت مكسور
ولا شمسي في يوم . هتغيب .
