ط
مسابقات همسهمسابقة الشعر

إيه الحكايه..مسابقة شعر العامية بقلم / سما محمد حسين من مصر

أيه الحكايه
ـــــــــــــــــــ
عايشه كأنى جوه قصه
وفيها بتكون البدايه
حاسه كأنى فى السحاب
والدنيا حواليا ضباب
ونور الشمس متدارى
بألف حجاب
بستنه ضحكه ومش بتيجى
جوايا دمعه ومش بأيدى
نازله بتجرى على الخدود
والدم واقف فى وريدى
وحياتى قطعه مستقيمه
معدومه الزوايا
أيه الحكايه
ـــــــــــــــــــــــــــــــــــــ
باصه لنفسى فى المرايا
شيفا الزمن علم عليا
يادنيا ليه معانده معايا
هو الى قلبى فيه شويه
ولا الى يوم شافك امل
تصبح حياته سطور نهايه؟
أيه الحكايه؟
ـــــــــــــــــــــــــــــــــ
زيحى الستاره واظهِرِى
نور الصباح بيه نورى
خلى الحياه يدخلها ضى
والفرح نلقاه لينا جى
والضحكه عاليه مالها زى
شمسك تدندن بالجمال
اسمعها اغنى……
كل الى على وجه الحياه
يسمع غنايا….
أيه الحكايه؟؟
ــــــــــــــــــــــــــــــــــــ

♥♥ ســـــمـــا محمد حسين ♥♥

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى