الاسم :شيماء خميس ابوسمرة
الدولة : مصر
اسم الشهرة : شيماء ابوسمرة
الصفحة Shaymaa Abosamra
فرع شعر العامية
النص بعنوان
سيرة البعد ( فينوس)
وَعدنى نهاري أتغطى بدال الليل
بضي الشمس
و اغيّر كوكبي واحلم واقول ع النجمة نبض شروق
واحس مداري ليه مزقوق
على ناحية
عينيه فى الغرب
وليه بحلو بزيادة
وانا مادة النظر لسحاب
ألاقي ف حلمي نور فارس وطالب قُرب
وقلبي اللى اتهرى حواديت بيسكُن بيت ومش لاقي بواقي الزاد
وبينّا ميعاد أنا وهوّ بمليون شهر قبل ميلاد
بعتلي نهاري يضحكلي وخَبىَّ سنانُه
يستنّى علامة إننا من بعض
بيصحى ع الفُراق دايماً وطول يومُه
بيتعكَّر بسيرة البُعد
هواني فامتَحن قُربى
نسانى وانتصر غُلبى
وطافوا الشمَّاتين في زُقاق
وقابلوني فى حارتي السد
دة حتى مداين الفراعين في كام مرة
بهواه تتهد
مدينتي لسه مصلوبة على أربع حيطان بحديد
مدينتي يوم مايتفضل جناب عصعوصَك الميت
هتفضل عيد
هينقُصها دفا ضلوعك ويوم جوعك
عشان اتقَوِت الافراح
وتتكمِّل بضلع الناس
وكام لفة قدم طاهرة لابوالعباس
و حبة شعر من جيدي
وحبة عقل فوق الراس
ماتبعتشي ف سلامك ليل ولا تلاغي الشموس لاجلي
ولا مرة أقف ع الشط الاقي الموجة بوصاية بتندهلي
ولا طالباك تكون سيدي وتاج راسي ومن اهلي
كفاية الحب يشبهلي و يتمرد فأي خصام
كفايه اني قابلتك ضعف و خَطِيتَك
بِلا استسلام
كفاية اني أموت حُرة
أموت في سكوتي أكرملي من اني انتهي بكلام
ياقلب وصام
وسيدنا داوود
صيام مشهود له بالقوة
ويسلم حسي والناعم عليك وقت امّا تبعدني بيبقى خلاصة وفتوة
فاشد ف روحي والحقني
من البحر اللى آخرُه عينيك
واجيب من روح فينوس شمعة عشان
بالحب مرة اغريك
تقرب و الضلوع تهرب
تموت محروق من الغيرة من الحيرة
تموت فى حياتي قدامي
جزاء قلبي اللى ميت فيك
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
