ط
مسابقة الشعر العامى

لهروب من الغرب إلى مكان الحرب.مسابقة العامية بقلم / مصطفى نور الدين من مصر

مهداه من الشعوب الفاره من الحرب إلى بلاد الغرب

(الهروب من الغرب إلى مكان الحرب)
سكوت سكوت
فى ناس بتموت
وسط أمواج البحار
وسط الدمار
والجثث على الرمال
مفيش كلام
مفيش دموع
قفلوا الحدود
قفلوا البيان
الكل ساكت والعدل ساكت
سكوت سكوت
فيه ناس بتموت
الصبح ع الدنيا منور
الصبح ع الدنيا مصبح
والمكان زى المكان
نفس الزمان
بس نور الصبح مطفى
والألم فى القلب يكفى
والمسافر سكته من غير دليل
وليل طويل … ونهار طويل
والنهايه تحت المحيط
فى مكان غويط
سكوت سكوت
فى ناس بتموت
هدنه وممنوع الضرب
ده احنا فى حرب
وناس بتموت
مئات وألوف
وضمير مكتوف
فين الضمير
ولا الضمير مكسوف
سكوت سكوت
فى ناس بتموت
من كلمات| مصطفى نور الدين
من مصر

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى