ط
الشعر والأدب

قالوا عنه للشاعر/ مدحت عطية

مدحت عطية

قالوا وطن
قلت .. أم
وبتنحضن
قالوا كلمة
قلت حروف
تشد القامة
وتصلب .. بدن

قالوا بيت
قلت فرشه دافية
قلت سكن
قلت حبيب
يوم ما يجيبه سيرته
تحس بشجن

قالوا نشيد
قلت بحس
إنه عيد
لما بقول بلادى .. بلادى
لما أحط إيد فى إيد
ولما تكون بعيد
تسمعه
تحس إنك سيد

قالوا ناس
قلت يوم ما تحس
إنك عيل
وليك كبير
يوم ما تحس بعزوة
وناس كتير
يوم ماتقول
راجع .. تطير

قالوا علم
قلت مش صنم
جواه حياه
بيطاطى يوم ما نتعب
بيحس بآلم

قالوا أرض
قلت .. أمى
بنتى .. أختى .. عرض
قالوا غالى
قلت عشقه
زى الصلاة فرض

مدحت عطية

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى