الاسم / احمد التركى
العنوان / الاسكندرية
ت / 01206827880
مسابقة شعر العامية باسم ( عايذ اتجوز )
تايه بين الناس والوحدة … بحار مش بيلاقى مراسى
قالوا الناس اتجوز واحدة .. تبقى النور فى الليل الآسى
اول واحدة فقلت جمالها .. هيحليلى الدنيا بحالها
اما هقوم م النوم وهشوفها . سبحان الله لازم اقولها
يوم ورا يوم المكياج تاه … اتاريه ماسك كانت عملاه
وبقيت اقوم من نومى اشوفها . لازم اقول اعوذ بالله
حسيت انى وقعت فى ورطة . اطلع من نار انزل نار
بس اكيد ديه اخر غلطة .. هتعلمنى اذاى اختار
اما التانية فقولت لمالها .. اكتر من كدة ايه هتمنى
اتمتع بالمال واتهنى … واعيش ايام شبه الجنة
يطلع ابوها د بحر بخيل … بخله ماشفتش ذيه مثيل
وان ضيف زاره وكان له عزيز . بيقدم مية ف فنجايل
حسيت انى وقعت فى ورطة . اطلع من نار انزل نار
بس اكيد ديه اخر غلطة . هتعملنى اذاى اختار
أما التالتة فقولت حسبها . اختار عيلة كبيرة اناسبها
وابقى كبير بين اهلى وناسى . وهتحسدنى الناس بسببها
هما يومين ولقتنى رخيص . كلمتى ملهاش ولا تشخيص
حاجة فى البيت موجودة وخلاص ذى بيجامة ذى قميص
حسيت انى وقعت فى ورطة . اطلع من نار انزل نار
بس اكيد ديه اخر غلطة . هتعملنى اذاى اختار
اما الرابعة فقولت لدينها . هتحليلى بدينها سنينها
مسك ختامى ولأيامى .. مهما هيحصل بينى وبينها
فجأة لقتنى بعيش انسان . ولا فى مشاكل ولا احزان
دوقت معاها الجنة فى دنيا . شوفت معاها الهنا الوان
ياللى نويت الاستقرار . تهت كتير وتعبت سنين
لو فكرت فيوم تختار . اختار اللى بذات الدين
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
