الرئيسية » الشعر والأدب » بتريحني ..قصيدة للشاعر / رمضان العلالقة

بتريحني ..قصيدة للشاعر / رمضان العلالقة

Spread the love

رمضان العلالقة
^^^^^
بتريحني فين و أزاي ؟
و أنت بجمر و نار كواي
صدق إني خلاص مليت
و إني ف بعدك مهما بكيت
لرضى بدمع و عزف الناي
آه من حيرة قلبي معاك
رغم قساوتك بستناك
أفرح بيك و أكون مسرور
و أنت تملي تلف تدور
و تفهمني في أي كلام
اسمع و امسح نار في حشايا
أحس هنايا و أنسى خصام
اصدق نفسي و أكون مبسوط
و بعد مبجري بأخر شوط
أتعب من أحزان جوايا
أعيش ف أسايا و أحس بموت
اسمع منك كل جميل
و أخر الليل من قبل م انام
كل كلامك قبل نهار
بيغرقني تحت النار
كل كلامك كان أوهام
بتريحي و أنت معاه ؟
و تعذبني بقولة آه
و تقلبني في نار و ألام
يخدك ماضي تروح لبعيد
و بتنساني معاه و أكيد
تنسى حياتي مع الأحلام
قولي في بعدي بتقول إيه ؟
لما تقابله تتوه ف عنيه
تنسى حنيني أكيد و تعيس
و ترجع تاني تقولي غرام
كنت بحبك و أنت أناني
بتغرقني في نار أحزاني
و تعذبني مع الأيام
رغم أساوتك مش بنساك
ليه بتلومني و ليه بتلام
و أنا بتحمل حتى أذاك
قلبي معاك و بعيش في ظلام
كل ما بينا بنيته جسور
ببني بوهمي قصور أحلام
و أنت تهد في أخر دور
حلم جميل و عملته ركام
بتريحني بتقول إيه ؟
العهد ما بينا كنت ناسيه
ليه توهمني معاك بهيام
عشت الحلم بكل ما فيه
مش متحمل أي كلام
بتريحني فين و أزاي
و أنت بجمر و نار كواي ؟
^^^^^^^^^^^^^
بقلم / رمضان العلالقة

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

الحوت الأزرق قصيدة للشاعر / محمد ثروت

Spread the love قصيدة بعنوان…….. الحوت الازرق توت…. توت قطر صغنتوت كنا بنلعب بيه  ف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *