الرئيسية » الشعر والأدب » بتقول لمين .زقصيدة للشاعرة / صفاء عبد ربه

بتقول لمين .زقصيدة للشاعرة / صفاء عبد ربه

صفاء عبد ربه
************
بتقول لمين
وأنا قلبي كله آلام
بتقتل الأحلام
ومهماً شوفت م الدنيا
هافضل ناقصني علام
بتقول لمين
فَضَلت السكوت
وخِرس الكلام
ودَفَنت نفسي
وسط دايره الأحزان
قَتَلت أحلامي
وماعادلي فيها أمال
بتقول لمين
وأنا قلبي كما العصفور
مايتحمل
بسُرعه يفرح
وبسُرعه يثور
تِهمِلُه يموت مَقهور
بتقول لمين
وسَهم الهوي جارح
والعَهد إللي خُنتُه
لِسَه كان إمبارح
بتقول لمين وتعيد لمين
وأنا قلبي لِسَه حَزين
لا يوم إتنَصَف
ولا حَد قاله آمين
بتقول لمين
وأنا طاير بَحَلق فوق
بجناحي بَرقُص
مِن ألام الشوق
وإن وقِفت
أنزف وأنا مخنوق
بتقول لمين
وأنا قلبي لِسَه حَزين
لا طَبيب داواه
ولا عَهد الهويَّ هَناه
ومانِسيِ الغَدر
ولا تَنَاسيَّ آساه
بتقول لمين
وانا مَدفون في دايرة الأوهام
مستسلم
وأقول زِيدوني كمان
نِسيت دُنيتي
ونسيت مَعَاها أحلامي
لا حَد صَدقني
ولا مَره خَدوا بكلامي
ونِسيت مَعاها الأمان
بتقول لمين
يازارِع بذور الشُوك
الورد مات
وماعاد غير طريق مَسدود
بتقول لمين
وأنا عاشق وَهم رَسَمتُه زمان
لا كَملتُه ولا نَكِست له الأقلام
بتقول لمين

صفاء عبد ربه

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

أشفق عليك ياقلبى .خاطرة بقلم / إبراهيم راضى

أشفق عليك يا قلبي المسكين……. أشفق عليك من كثرة الألام كل وقت وحين….. أشعر بأنك …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *