الرئيسية » مسابقة الشعر الحر والتفعيلى » بحبك بفقرك. مسابقة الشعر العامى بقلم / وائل محمد عمر من مصر

بحبك بفقرك. مسابقة الشعر العامى بقلم / وائل محمد عمر من مصر

Spread the love


وائل محمد عمر/المنوفية مصر
الفئه /عاميه
———-بحبك بفقرك …….
نفس ابوس فوق ترابك كل يوم مرتين
بس باجى ابوس يدوسوا فوق رقبتي بجزمتين
مره جزمه فى صيدليه جات ف عينى
من دواكى عييت يومين
مره فالته جات فى بالى طعم لحمه
قلت أروح للجزارين
جاتلى جزمه جنب جيبى
طيرتلى الجينهين
ابنى شاف فى ايد زميله
مره لعبه
قالى بابا
هاتلى منها
قلت اجيب يا واد منين
وخفت اقابله من عينيه
طول يومين
نفسى ابوس فوق ترابك
كل يوم مرتين
بس باجى ابوس يدوسوا
فوق رقبتى بجزمتين
ابنى التانى مره تانيه
قالى بابا حاجه بيضه
فى ايد نفين
قلت بس كلمه واحده
دى تورته يا ابنى
مش ياكلها موظفين
وجالتى جزمه جوه فمي
ومن ساعتها مشيت ذليل
والمدارس جايه تفتح
جبت شنطه رغم عندى عيلين
قولت يالا يبدلوها
أصل هما فى فترتين
بس لسه عندى ازمه
اجيب منين الجزمتين
شفتى انى لسه حبك
رغم كل القسوة منك
ولسه نفسى ابوس ترابك
وأنى مش زعلان لفقرى
بس إل مزعلنى منك
أن رافعه
شرار ولادك
وداسوا فوق الغلبانين
قلت مره فى شعر سمره
وهافضل اقولك سنين
واللى شايف فيكى شغله
راتبه ما يجبوش يومين(وائل عمر)

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

أهل الكهف, مسابقة الشعر النثرى بقلم / حورية إيت إيزم .الجزائر

Spread the love الاسم حورية ايت ايزم الوطن الجزائر خاص بمسابقة همسة أَشْتَهِي نَوْمَ أَهْلِ الكهف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *