الشعر والأدب

بطحة يناير …للشاعر / رمضان فراج

رمضان فراج

بطحة يناير

طوبه وجات
ف دماغ الوطن
والبطل ..
كام شاب ثاير
كام شاب رافض
حاجات كتير
قولنا خير
ودول البشاير
وف ثانيه
قامت الهوجه
لقينا ناس
بتنط م المركب
وناس بتركب
الموجه
وناس تانيه
بتساير
وفوق المباني
مخرجين بتصور
ومين يتصور
ان الل كان
على ظهرها
قناص
والناس بتهتف
وترقص
على صوت الرصاص
والميدان كله دواير
واب داير
يلف وسط الضباب
يدور بين الشباب
عن شاب اسمر
ف لون
دخان السجاير
قالوا ابنك خلاص
اصبح للحور عريس
ومش فاضل منه
غير قميص
بس بدون زراير
والل كان امبارح
بيتباهى
جاي النهرده يعاير
مين
اللي خلى التافه مهم
ومين اللي عمل
م الحلم فيلم
وبطل جديد
من خلف الستاير
ضاع كل شيئ
لما شوفنا
السلاح
تحت نقاب الحراير
دقون وعايزه
تقسمنا عشاير
لكن بهيه
لحمها مر
لحم ناشف
مايتاكلش
ولا يتقطع
ويبقى نساير
الشاعر / رمضان فراج

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق