ط
الشعر والأدب

يا بو شامة ….غنائية للشاعر / محمود قطامش

قطامش 2
ياواديابو شامه علي خدك ……….. يامتعالي والقمر حدك
ياطاير والغرور واخدك ……………. كان الدنيا ليك وحدك
ولا يهمك تدوس علي مين…………عشان عارف جمال قدك
ولا بتعمل لحد حساب …………….حلو يا واد مفيش قدك
سكنت قلوب كتير عايزين………..وطالبين في الغرام ودك
وجتلك ميت رساله حب … ………محدش يوم كمان صدك
لكن عارف يابو الامامير …………لو في يوم نسيت عندك
ولو حبيت وجت رجليك ………….. ما راح ينفع علو سدك
هتندم وايه يفيد ندمك …………..هتشحت حبي وهعاندك
هاخد حق ناس دابوا ………………واتمنوا في يوم هدك
هحبك ايوه راح احبك ………. وحقي هاخدو من خدك
و هاديلك كل ما عندي………..لو تغلط يوم تسيب عندك
…………………. محمود قطامش ……………

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى