..((خاص بالمسابقه))……
لما بيجى فى لحظه ويمشى
يشغل بالى ويسهر رمشى
وافضل انادى وعينى فى عينه
اكذب نفسى واقول مسمعشى
*****
رسم الحزن خطوط على كفى
لما بهمه مال على كتفى
ياما وعدنى هبعد عنى
عمره بوعده ما كان بيوفى
*****
فتح القلب وشاف فيه مكانه
فرصه وجمع فيه احزانه
حفر الدمع خطوط على خدى
لجل انه يصعب نسيانه
*****
قالى هجيب الفرح واجيلك
امسح دمعك عنى احكيلك
دانا فى بعادك عنى لقيتنى
قلبى بشوق الاقاه يناديلك
*****
يالا حبيبى تعالى احضنى
وواعدنى ماتبعد يوم عنى
بايدينا نجدد اشواقنا
انا منك وانت اكيد منى
*****
لما زمان الحب تعبنى
اهرب منه الاقاه يغلبنى
شوفلك حل من الاثنين
ياتسيب روحى ياروحى تسيبنى
…….(( بــ ســ ا م ))…….
