الرئيسية » مسابقة الشعر العامى » بـح مفيـش .مسابقة شعر العامية بقلم / مصطفى السعيد من مصر

بـح مفيـش .مسابقة شعر العامية بقلم / مصطفى السعيد من مصر

بــــح مفيــــــش !!!
***************

كل ما نطلب بح مفيش …

كل ما نسأل ليه بنعيش على دة الحال ؟!

تيجي الإجابة … برضه مفيش !!!

أسأل نفسي … ليه أنا ساكت ؟!

ليه انا دايماً خايف شايف ؟!!

عمري بيجري لـ أجل ما أعيش !!!

أنا وولادي بين خفافيش !!!

نهرب منهم بس معانا !!!

يأكلوا عرقنا .. وبح مفيش !!!

من عشرين تلاتين مش فاكر …

عمري سنين ضايعين ولا فاكر !!!

إنى في يوم كنت مفيش !!!

أمد إيديا أدعي عليهم !!!

عالنصاب ولا الهبيش ؟!!

باعوا بلدنا باعوا تاريخنا !!!

وإحنا سكات – لابسين طرابيش !!!

سرقوا الحلم العايش فينا …

قتلوا الطفل ينادي بـحرقة …

يهاتي ينادي انا نفسي أعيش …

جد الخير والأمن دافينا …

مش بالأمن ولا بالجيش !!!

تصحي عنيا في يوم عشرين …

لأ لأ لأ خمسة وعشرين …

إيه اللى حاصل ؟! , إيه اللى واصل ؟!

دي ثورة تغير بح مفيش …

ثورة ترجع للكل حقوقه …

وناكل عيش وفراخ شيش …

نفسي أدوقها ويا ولادي …

قبل ماتجرى دماهم شهدا …

غدر وغشم وطلقات طيش !!!

تجري دموعي سابقة إيديا …

لأجل ماتلحق كل ما ليا …

إبني وأخويا وجاري وصاحبي …

أنا من غيرهم مافيشهاش عيش !!!

————————————————

الشاعر / مصطفى محمد السعيد
الدولة / جمهورية مصر العربية
شعر العامي

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *