الرئيسية » الشعر والأدب » بكره تعرف.قصيدة غنائية بقلم / رمضان العلالقة

بكره تعرف.قصيدة غنائية بقلم / رمضان العلالقة

رمضان العلالقة
بكره هتعرف و تندم يا غالي
و تسهر ليالي تعد الساعات
أبدا حبيبي ما أقدر أسامحك
ولا أقدر أصحي القلب اللي مات
أسيبك لبكره و بكره يعاقبك
إغرق في بحر ما لهش نهايات
إخدع في قلبي
و تفضل ملامحي
و طيفي يطاردك لحد الممات
بكره هيفضل و يبقى لي ذكرى
تفضل تملي تكسر حاجات
بحق اللي شفته منك قساوة
و حق اللي سافر و هاجر و بات
و كلمة بحبك لما تقولها
تبهت في لونها ما ليها صفات
لتفضل تهاجر
و ترسى في مينا
تنسى الأغاني و تصرخ آهات
و لما تجينا تلاقي في عنينا
ضحكة يتيمة مكسورة الجناح
ترجع لي تاني مهجورة المباني
و كل الأماني في حكم اللي راح
نقولك نسينا و ارجع لمينا
قود السفية في وسط الرياح
الشمس اللي طالعة
بدمعة حزينة
تحكي علينا
ف ملامح صباح
و نوة تشيلك واجه مصيرك
و تندم و تغرق في بحر الجراح
^^^^^^^^^^^^^
بقلم / رمضان العلالقة

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

أيلول ُ ينتظرُني .. قصيدة للشاعر / زكريا عليو

& & أيلول ُ ينتظرُني & &… .. مذْ سقطَ مغرِّباً وجهي جثوتُ على أطرافِ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *