الرئيسية » الشعر والأدب » بيقسى وهجرى بيحلاله ..قصيدة غنائية بقلم / فتحى الحصرى

بيقسى وهجرى بيحلاله ..قصيدة غنائية بقلم / فتحى الحصرى

فتحى الحصرى
ـــــــــــــــــــــــــ
بيقسى وهجرى بيحلاله
عمره ماغـــير أحوالـــه
مادام شايفنى عليه ملهوف
من حقــه يعمل مابدالــه
…………..
يوعد ويخلــــف مواعــيده
وقلبى بقى لعــبة ف إيــده
واقول له رق اعمل معروف
يزيــد ف هجــرة ودلالـــه
………………………
يبعــد ويهجــر واسـتـنــاه
وأنسى عزة نفسى معـــاه
والاقـى روحى وانا ويــاه
تايهة ف حسنــه ودلالـــه
…………….
كتير باكون زعلان منـــه
وأنــوى إنى ابعـــد عنـــه
واقول لقلبى سيبــك منــه
وانسـى غــدره وأهـوالــه
…………….
ألاقــى قلبى ..مــســهـيــنى
ويروح واخدنى موديــنــى
فى نار عـذابـه ويرمـيـنـى
وهــو ســايــق فـى دلالــه
………………
أنـــا اللى أستــاهــل ذلـــه
واللى بيــجرالى دا كــلــه
مادام شايفنى عليه ملهوف
مـن حقـه يـعـمل مابـدالــه

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

محلاك يانور النبى . قصيدة للشاعر / سامى فرغلى ( قربان المصرى)

محلاك يا نور النبي يا للي نورك نور حياتي وحبي ليك كان أختيار والهوى بيني …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *