الرئيسية » مسابقة الشعر العامى » بِتِحْلَمُوا..!مسابقة شعر العامية بقلم / محمد جمال السيد محمد فضالي من مصر

بِتِحْلَمُوا..!مسابقة شعر العامية بقلم / محمد جمال السيد محمد فضالي من مصر

الإسم/ محمد جمال السيد محمد فضالي
الدولة/ جمهورية مصر العربية
العنوان/ الشرقية – فاقوس
البريد الإلكتروني/ mohamedfadaly90@gmail.com
الشعر/ العاميّة

بِتِحْلَمُوا..!

خَلّينا نِفَكَّر ولو مَرَّة بِعَقْلِنا
بلاش كُل حاجَة نِغَلِب فيها الأنا

فَوِّتُوا الفُرْصَة على عَدِّوِنا
يَلا نِبْقا إيد واحدة كُلِنا

مع بعض دايماً نكون أقوى
نِحَقَق اللي بنِحْلَم بيه مع بَعْضِنا

نَفَّضْ وِدانَك فَكَّرْ كويس
إوعَى تِسْمَح للشيطان يكون مِنِّنَا

اُنْبُذ العُنْف حارِب الشَّر
دَه كلام بيأكد عليه شَرْعِنا

سيبَك مِن قيل وقال
تَعَالَى نِتْصالِح ونعيد مَجْدِنا

والله حَرام اللي بيحْصَل
ده حتى مَيرضيش رَبِّنا
دي مُؤامْرَة مَحْبُوكَة مِتْفَصَّلَة
ليه مَنِفْهَمْش ونفَوِّتَها على عَدِوِنَا

رايحين في تَيَّار مَنِعْرَفْش آخرُه
بلاش نِعْنْد وِنْزَوِّد جَرْحِنا

كِفاية..كِفاية كِدَه تَخْريب
بينا نِعَرَّف العَالَم قد إيه حَجْمِنا

نِوَصَّل للعَالَم رِسَالَة أبَدية
ما عاش ولا كان اللي يفَكَّر يذِلِنَا

إيدَك في إيدي في إيد كل واحد
نِبَيّن وِحْدِتْنَا قوتْنَا مصر تحِبِنَا

نيلْنا العَظيم شُريان حياتنا
الجَنوب بِدايتُه ونهايتُه الشِمال كُل فِكْرِنَا

صعيدي بحيري سيناوي
كٌلِنا مصري ومصر مصرنا

يا خاين العَهْد والوَعْد
مُت بِغيظَك فلست بذاكرتنا

نُصْرُخ ونقول بِعُلو صوتْنَا
بِتِحْلَمُوا..بِتِحْلَمُوا لو أخَدتُوا عَهْدِنا

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

تعليق واحد

  1. مهندس صلاح العقيلي

    صح لسانك
    احسنت

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *