الرئيسية » الشعر والأدب » تبقى مصرى للشاعر/ مدحت عطية

تبقى مصرى للشاعر/ مدحت عطية

Spread the love

مدحت عطية

لو حسيت إنك
موجود من أول
زمانك
لو لا قيت الدنيا
بتخبط على ببانك

لو فى المحنه
شبيت .. مكانك
لو كبرت
على إلـ .. هانك

لو أفتكرت إلـ
عليك
ونسيت إلـ عند
الناس .. ليك

لو لا قيت العروق
بتنبض فى إيديك
لو لا قيت
كرامتك بتنقح
عليك

لو قولت
الحق فى وش
جاه
لو هانت عليك
الحياه

لو صرخت
بعلو
صوتك
قصاد صنم
عامل .. إله

لو بكيت ضعيف
وأنت فى عزك
لو حسيت بظلم
غيرك إنه .. وزرك

لو لا قيت قلب
فى صدرك
ولو إتهز العالم
وأنت فى جدرك

لو حد صاب
إسم بلادك
بخدش
ولو راحت حياتك
ماجتش
لو لا قيت نفسك
على أدك
معاكش
وإيدك بتدى
وما بتخدش

ولو لمة ظلم
قومت .. مشيت
لو لجل الخير
رحت .. وجيت

لو وقت الضيق
إتوضيت
وسحبت السجادة
وصليت

لو قالو فيه
ندل
حقير
قمت ورفعت
راسك .. وسلاحك
حتى ولو كنت
غفير
لو جيت تمشى
فى حق
لا قيت نفسك
بتطير
لو حسيت بنفسك
غنى
وأنت .. فقير
تبقى مصرى

مدحت عطية

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

الحوت الأزرق قصيدة للشاعر / محمد ثروت

Spread the love قصيدة بعنوان…….. الحوت الازرق توت…. توت قطر صغنتوت كنا بنلعب بيه  ف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *