مسابقة الشعر العامى

تحت النقاب.مسابقة الشعر العامى بقلم / حارس حسن الحامدى أحمد مصر


الاسم /حارس حسن الحامدى أحمد
محافظة سوهاج
المنشآة
تحت النقاب
خلاص كفرتى بجنتى
وقلتى دينى مكنش دين
وبعدتى ليه عن دنيتى
وركبتى جوه مركبك
ورسيتى عل الشط الحزين
وكتبتى فوق المركبه
ممنوع دخول المغرمين
دى غلطتى سلمت نفسى
لقلبك المليان حطام
من حرب فاتت من سنين
كان العدو مليان غرام
كان العدو من العاشقين
كسرتى قلبه وأتأسر
قدام عنيكى النعسانين
كان القمر يشهد على سهم الهوى
وكنتى عارفه السهم رايح عن مين
أنا قلت هدتك الحروب
ورفعتى رايات السلام
أنا قلت تبتى من الذنوب
وخلاص تعبتى من الكلام
وشبعتى من كسر القلوب
وكتبتى ميت مليون حرام
لاكنه قلبك فيه مكان للأحتلال
قلبك مشوه لاكنه باقى
فى ضحكتك حبة دلال
لبسك مموه علشان تدارى
جسمك المليان حروق
أنا مش فلان ولا مانيش فلان
وانا مش فاروق
أنا ليكى فارس
وقطعت قلبى من الجبال
لمى بواقى نكستك
بعد الخراب دارى اللى باقى
فى حزنتك جوه الجراب
لمى بواقى ضحكتك تحت النقاب
وشوفى عندك كام ضحيه وكام مصاب
أنا كنت عاشق جنتك
لاكنى لما دخلتها صبحت سراب
مفصوله انك تكدبى
ومغصوبه برضه ع الجواب
أنا معترف انى اتخدعت
وأنا معترف انى وقعت
وعصرت قلبى تحت رجلك بالعزاب
أنا متخدعتش فيكى انتى
أنا متخدعتش فيكى انتى
اللى خدعنى انا النقاب

تحت النقاب
حارس أبو عزب

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق