تسجيل الدخول

‫20 تعليقات

  1. السلالم على جميع من له يد في هذه المجلة ، أنا أكتب في الشعر الغام بللهجة المصرية ، أريد المشاركة في المسابقات في هذا النوع ، كيف يمكن لي ذلك ….. وشكرا

  2. لم أجد الطريقة لتسجيل عضوية جديد .. اعرف الطريقة المعهودة ( وهي ملأ الخانات الخاصة بالمعلومات الشخصية كالفيس بوك مثلا ) لكن هذه المرة بصراحة لم أعرف من أين أبدأ …فهل من ارشادات …و شكرا

  3. حدودى الممكنة

    اخر حدودى الممكنه
    أرسم وتر ولحن منزوع الدسم
    ما أنا بنحنى وضهرى كمان انقسم
    وحلفت يمين وميت قسم
    لأكتب حكايتى من عدم
    لأكتب على سن القلم
    أنا معتصم
    أزاى أكون م اللى أبتسم
    وأدتنى الدنيا ضهرها
    أزاى وأنا دافع مهرها مر وألم
    بقابلها وعندى م الشموخ
    حبة شروخ
    وخدت منها ميت قلم
    بينى وبينها وصلة
    طرب
    وصله أدب
    وصلة غنى متلونة
    وداست علية بميت قدم
    أنا بحتكم
    عايز رضى عايز هدى
    تدينى الأمان وتحترم
    صبرى
    و حرقة بنيانى اللى أتهدم
    مستنى بالون الرضا وبركانه ينفجر
    الحقلى ضلاية
    وكام غاية لحسن قربت
    اتفرم
    وبحبك رغم غلبى
    رغم حظى
    يمكن يوم يا دنيا
    تكرمينى اخر كرم

    كريمة محمد ابراهيم

  4. يوم 26/01/2018
    السلام غليكم ، لم أستطع تسجيل عضوية جديد لأشارك في المسابقة الشعرية التي تجرى في يناير ، فارتايت أن أرسلها من هنا ، متمنيا أن تعجبوا بها ، فهي في العامية المصرية بعنوان ” سائل ” ..
    ســــــــائل عــــنـــك أيـــــامي
    للــــــي مـــــع العــــمـــــر راحت
    و ألـــــــــوم فيك أحــلامي
    و آمـــــــالــي للــــــي كــــانــت
    واسأل كــمان نـفـسي
    أنـــــا لــــيه أرجـع لأمـسي
    ما خلاص ودت شمسـي
    للــــــي مـــن سـنيـن غــابت
    وتــــوهــنـي أفـــكاري
    ما بيــن حيــرتي ونـــاري
    ومـــن طــول انتظــاري
    أنــــا روحـــي فـــيك ذابـت
    أنا لــيه أشـتاق الـيك
    وأخـــاف مــنك وعـلـــيك
    واغرق فـــي عـيـنـيـك
    ان امـــواج العـشق هـاجت
    و شــايــفــك لا تبالــي
    بللــي مـــنك جـرى لــــي
    مـــا تـــردي ســـؤالي
    دنــا أشــــواقــي تـاهـت
    كلمات / محمد خدة من الجزائر .. 213770257985

  5. الشاعر/ محمد احمد السيد عوض — الشهير ب / محمد العوضي
    العنوان / الزقازيق – مصر — موبيل / 01093400930

    قصيدة عامية بعنوان كل وجداني
    كل وجداني

    واحشتي كل وجداني وصوتك لسه ف وداني
    وصورتك جوا ف عيوني كفايا اشتقتلك
    م تقولي ايه اللي فاضلك دنا لسه ماشي ف ليل ضلك
    وعشان اشوفك بناضلك ومنايا ابصلك
    ****
    شوفنا ف بعادنا المستحيل طب واحنا ليه اخترنا الرحيل
    بيني وبينك الف ميل والوحدة كويانا
    انا ونتي كنا صحاب عناد وف ثانية قررنا البعاد
    وتارينا دوسناعلي الزناد وموتنا جوانا
    ****
    ازاي قدرناعلي الفراق دا الصبر مات م الاشتياق
    وكل واحد قلبه داق الهجر ويانا
    لازم نزيل بيننا الحدود داغرامنا كان مليان وعود
    علشان كدا لازم نعود من تاني لهوانا
    ****
    القرب عاد هوا الامان والبعد راح ويا اللي كان
    علشان خلاص ان الاوان نرجع لبعضينا
    اخرة فراقنا دا كله ايه غير العذاب طيب وليه
    م كفايا عشنا انا ونتي فيه ف حاضرنا وماضينا
    ****
    بنفتكر ومفكرين ف شمال انا ونتي ف يمين
    طب تيجي نحلف ميت يمين ان احنا ما نسينا
    عايشين ولسة معشّمين ف العشق يجمعنا بحنين
    لوكنا موتنا مجروحين القرب يحيينا

  6. تعليقك في إنتظار مراجعه المدير.
    الشاعر/ محمد احمد السيد عوض — الشهير ب / محمد العوضي
    العنوان / الزقازيق – مصر — موبيل / 01093400930
    فئة الخاطرة
    من حقي اكون مهما يكون كان الصراع بين جيل وجيل
    عاقل ولابس توب جنون معرفش كلمة مستحيل
    صدر جباه الصد في وش الغريب
    واحذر مبيجيش شر الا من القريب
    ميز وشوش الغدر والمكر الدفين
    واعرف عدوك انه كان عامل حبيب
    ملتقتشي في حياتي احلي من حسن المعاملة
    هيه دي بالذات ف ذاتي خللت الذات شبه كاملة
    بحترم فيك تحترمني كاش ولو قسط تقاسمني
    لما ادفع زوء قابلني بيه ولله مش مجاملة

  7. كيف يمكن وضع صورتي الشخصية ازاء اسمي ؟
    وكيف اعلم اني صرت عضوا في هذه المجموعة الراقية
    من مبدعي مجلة همسة؟
    تحية لام الدنيا وكل شهر رمضان وانتم بخير
    كل سنة وانتم طيبين.

  8. خمستاشر جنيه مصرى

    وكان وياه خمستاشر جنية مصرى
    مخبيهم من الايام
    عشان يمكن تجيلوا ظروف
    عاينهم تحت مرتبته
    وكان خايف عليهم خوف
    مكنشى يخاف على فلوسه
    لكن كان حلمه طول عمره
    يعيش مستور
    وقال وقت أما أكون محتاج
    هيحمونى من الحوجه
    مع أنه
    فى عمره كله كان محتاج
    ساعات ياما يكون ملهوف على سيجارة بنص جنية
    ع كوباية عصير مانجه
    لكنه كان بيستخسر فى نفسه كتير
    ماكنش بخيل
    لكنه كان ماليه الخوف من الأيام وقسوتها
    ويارتها .. ويارتها
    سابت قلبه حزين وخلاص
    ياريت كان عاش
    تعالوا ياسادة ياسامعين
    هقص عليكم القصه
    من الأول إلى الأخر
    وصلوا ع النبى المختار
    عشان محتار
    هبدأ الحكايه منين

    من المستشفى الميرى
    لمستشفى جيهان العام
    بتجرى أمه مقهوره
    وشايله بين ضلوعها ألام
    تعدى شهور
    سفر أيام
    ولا واحد بيرحمهم
    ولا واحد يقول دا حرام
    عشان الفقر مصاحبهم
    وفى بلادى بتدخل أى مستشفى
    سؤالهم أنت تدفع كام
    معاكشى ؟
    يبقا مش لازم تعيش أصلا
    وماتبرطمش كتر كلام
    هيبقا معاه دا بس إزاى
    وراتبه من حكومتكم
    مابيكفيش لنص الشهر
    دا كل يوم يعدي عليه ياعينى بقهر
    وراضى بعيشته وقليله
    لكن تبقا حياة أمه جزاته ومهر
    عشان رافض يكون منكم
    مفيش عايش هنا غيركم
    وليهم صوت وليهم دهر
    لكن أحنا نموت عادى
    ودى بلادى
    من المستشفى الميرى
    لمستشفى جيهان العام
    ألام فى ألام
    ويعمل أيه بقا المسكين
    وهو يادوب محوش تحت مرتبته
    خمستاشر جنية مصرى

    جابر طلبه
    مصر
    مسابقة همسة 2019 فرع القصيدة العاميه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق