الرئيسية » مسابقة الشعر العامى » تصدقى ,,مسابقة الشعر العامى بقلم / بسام مخيمر عرفة من مصر

تصدقى ,,مسابقة الشعر العامى بقلم / بسام مخيمر عرفة من مصر

Spread the love

الاسم ــــــ بسام مخيمر عرفه
جمهورية مصر العربيه
مركز السنبلاوين ـــ محافظة الدقهليه
مقيم بالمملكه العربيه السعوديه
رقم الجوال ـــ 00966568780142
المشاركه بقصيده ـــ(( عاميه )) ……
******************
تصدقى انى حلمت بيكى
واتكلمنا بالساعات
عِدنا ماضى عشنا فيه
عِدنا احلى الذكريات
وامتى آخر مره شوفتك
وقد ايه من العمر فات
وامتى دار بينا كلام
وامتى طال بينا السكات
تصدقى انى حلمت بيكى
واتكلمنا بالساعات
فاكره لما طال خصامنا
وجيت اصالحك عند بيتك
قلتلك انى بحبك
قلت من قلبى هويتك
قلتى عارفه بس غيرتك
زودت جرح وآهاااات
تصدقى انى حلمت بيكى
واتكلمنا بالساعات
فاكره لما صدفه شوفتك
ع الطريق فى المغربيه
كنتى ماشيه معاكى اختك
وانتى بتنادى عليه
انت ياللى ماشى عندك
ماتهدى الخطوه شويه
كنت زى حد ردت
روحه فيه بعد اما مات
تصدقى انى حلمت بيكى
واتكلمنا بالساعات
جتلك اجرى عشان اسلم
وايدى تحضن ايديكى
قلتلك وحشااانى جدا
نفسى اطمن عليكى
دمعه نزلت غصب عنى
زودت فى قلبى الآهات
تصدقى انى حلمت بيكى
واتكلمنا بالساعات
قلتى حبك جوه قلبى
مستحيل يمحيه الزمن
عمرى ما افكر ابيعه
لو يكون ايه الثمن
سبنى اسرح فى عيونك
قبل ما تفوق م السبات
تصدقى انى حلمت بيكى
واتكلمنا بالساعات
رغم انى بجد عارف
مستحيل تقرأى كلامى
او حتى صدفه تشوفيه
او حد يعرف حكايتى
يجى يحكيلك عليه
ان لسه فى قلبى عايش
ليكى بعض الذكريات
تصدقى انى حلمت بيكى
واتكلمنا بالساعات

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

رسالة من الغربة,مسابقة الشعر العامى,بقلم/صابر فرج ياسين على .مصر

Spread the love مسابقة الشعر العامي الأسم صابر فرج ياسين على ( جمهورية مصر العربية …

تعليق واحد

  1. انت شاعر متمكن جدا يا بسام …………..بالتوفيق ان شاء الله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *