الرئيسية » مسابقة الشعر العامى » ثرثرة ..مسابقة شعر العامية بقلم / إسلام الحوت من مصر

ثرثرة ..مسابقة شعر العامية بقلم / إسلام الحوت من مصر

اسلام الحوت (خاص بالمسابقة)
قصيدة ” ثرثرة”
ثرثرة
وكلام فاضي ببتقرا
وقصيدة حلوة لعنترة
ومشهدين في قصة قيصرة
وفستان فرح
رائحته حلوه معطرة
ودمعتين من فلسطين
جين ساحفين
من علي خد الولا
واهي ثرثرة
وكلام فاضي بيتقرا

تابوت وع الكتاف مرفوع
ومايه عازبة خارجة من ينبوع
وطفل ع الرصيف نايم
غلب عليه الجوع
وحتة حلاوة في مولد النبي
مسكرة
وست اصيلة في حالة ضنك
بحب جوزها متصبرة
واهي ثرثرة
وكلام فاضي بيتقرا

ولمعة عنين حبيب ولهان
في بسمة حبيبه كان سرحان
لقي صورة لحبيبه في القمر منورة
وعن بنت حلوة من الخجل
تشوف حببها تبقي في مكانها متسمرة
وعن ست جميلة المرض دق بابها
وصقت منها شعرها
وحمدت ربها
وعن نماذج كتير في الحياة
عايشة متحصرة
لا عايزين من الدنا مال ولا جاه
وتايهين في خلاط المعصرة
وقلوب كتير متكسرة
ووشوش كتير متغيرة
وناس بحب الله عايشة في الامل
وناس كل حياتهم ثرثرة
كل الكلام في اصل الحياة دي ثرثرة
حتي القصيدة من البداية ثرثرة
ووثرثرة بسرسرة متسرسرة
حدوتة حلوة مأصلة
واي كلام فاضي بيتقرا
‫#‏اسلام_الحوت‬

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *