الرئيسية » الشعر والأدب » جمال حبك..بقلم / يوسف ونيس مجلع

جمال حبك..بقلم / يوسف ونيس مجلع

يوسف ونيس مجلع
جمال حبك وسيم ————— رسم المرح فى سنينى
وصال ودك حميم —————- سر الفرح فى عينى
تندهلى رقة نسيم ——————- وبروحك مسمينى
يغازلنى شوقك ترانيم ———— جمال بوحك يسبينى
————————————————————–
تسهرنى فى سحرك ————— يحلى السهر للعين
تسحرنى فى سمرك ————– احلى سمر عاشقين
تسامرنى بى حسنك —————- القى القمر قمرين
تحيرنى بى شهدك —————- اقطف عسلك منين
————————————————————–
مهننى الزمان جنبك —————— منسينى انا فين
حاضنى حنان قلبك —————— منسينى انا مين
بحلاوة لمسة شفايفك —————- وعنينا مسبولين
وغلاوة همسة باحبك —————- بتدق فى القلبين
————————————————————–
حبك هوانى وهويته ————— لما رعانى وحبيته
عمرى اللى فات نسيته —— ونسيت اهات اللى اسيته
امل فرحى اللى اترجيته —— وبكل جوارحى استنيته
وكل اللى بقلبى اتمنيته ———- فى جمال حبك لقيته
—————————————————————
يا محققلى اوهام منايا ——- وامانى فرح محلمتهاش
حتى فى احلام هنايا ——— خيالى سرح متخيلهاش
خليت عمرى حكاية ———— فى الحب مقالوهاش
بقيت سمرى وغنايا ———— يا حلاوة ما بسلهاش
—————————————————————
يا مزوقلى المعانى —————– ومحليلى الكلام
لا يوم خلتنى اعانى ————- ولا يشقينى خصام
خصامك يادوب ثوانى ——– بيدوب من غير ملام
ملامك عطف حانى ————- بنظرة اسير غرام
—————————————————————
ياللى قلبك كريم —————– ادانى وبي يدينى
عطفك لقلبى نديم ————– سقانى وبى يسقينى
يا فارشلى النعيم —————– وبالهنا مغطينى
بادعى لربى يديم ———— جمال حبك ويحيينى
بقلمى يوسف ونيس مجلع

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

هل أتاك حديث قلبي..قصيدة للشاعر / رشيد حمانى . الجزائر

هل أتاك حديث قلبي {1} يَا حَبِيبي لا تُفَكِّرْ فِي الرَّحِيلْ ياحَبِيبِي كَيفَ تَسْلو اليَومَ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *