الرئيسية » الشعر والأدب » جوا ضلوعى ..للشاعر / جهاد بدر

جوا ضلوعى ..للشاعر / جهاد بدر

جهاد بدرى 2
و جوا ضلوعى يا حوا

بتتعايقى بدقاتك

على شط الهوى بنكون
و تخطف قلبى نظراتك

على عهد الزمن كلمه
و عايش بالزمن عاشق

بحب يا حوا أنفاسك
و نبضك عمره ما فارق

أشوف الضى بالعتمه
و أسبح فى خلايا الكون

و أفضل بالزمن عايش
بكلمة حب فين ما تكون

تاخدنى عيون بنظراتها
و موجها لما بيصبح

أنا الولهان أنا العاشق
و هى بعشقى تتسبح

حبيبتى الشوق مدوبنى
يا حوا رمانى فى بحورك

كتبت الشعر غلبنى ما
بين إحساسى و شعورك

و هافضل همسه ع الشفه
و اضحك جوا أنفاسك

أنام أصحى على صوتك
يا حوا و تهدى أناتك

أضفّر بسمه حيرانه
و يحضن طلتك قلبى

و لو بأمواجها غرقانه
تكونى بالشبك دربى

تكونى ايامى و أحلامى
و حبر اقلامى و كلامى

و لما الدنيا هاتعاند
تعاندى اوجاعى و ألامى

و احبك كل يوم اكتر
و انام و اتغطى برموشك

و لو قالوا العيون تسهر
فتسهر لجل ما تشوفك

باغار يا حبيبتى من نظره
و من شالك و فُستانك

و اموت يا حوا بالحسره
و لا يقولوا بيوم مالك

فداكى ايامى و سنينى
و عايش وسط أشعارى

و لو عايشه بأيامى
لقلبك إنتى اكون شارى

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

ألفْتُكَ حُبٍّا..قصيدة للشاعرة / وردة ايوب عزيزى . الجزائر

ألفْتُكَ حُبٍّا تعاتبُ روحًا وتهجُر قلباً فلستُ الضعيفَ وأنتَ المُلام تعاتبُ عِشْقاً وتُنْكِرُ وصْلاً ووجد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *