مسابقة الشعر العامى

حارة الشهيد .مسابقة الشعر العامى بقلم / حمدى موسى احمد

الاسم حمدى موسي احمد
اللقب حمدى الخمساوي
الدوله مصر
تلفون وواتس٠١٠٩٦٨٠٠٣٩٢
فيس بوكhttps://m.facebook.com/hamde.algan 
خاص بالمسابقه
قصيدة عاميه بعنون
(حارة الشهيد )

نزلت فى أرض مصر
انا فى المطار
حسيت براحه وبالامان
وفهمت كلمه قالها جدي
ايام زمان
اغلى ما فى الدنيا دى
يا ابنى وطن
ومن المطار اخدت تاكس
سواقه كان راجل كبير
وبصوت جميل
على فين يا بيه
قولتله ودينى قوام
على احلى منطقه فى المكان
وضحكه صفره ضحكها ليا
ودموعه نزلت من عينيه
وبعدها دمعة عينيا
قولته قولى سببها إيه
ماعادتشى يا ابنى زى زمان
اتغيرت كل الوشوش
واتغيرت كل الامكان
دول غيروا حتى اللى ساكن
والاسم كمان غيروه
حارة الشهيد خلوه
وادينا يا ابنى وصلنا ليها
لو زي ما سبها تلاقيها
انا مش عايز منك حساب
ولا مستنى منك جواب
واعتبرنى اهديت هديه
لابنى اللى فى الغربه غاب
لا يا خالى دانت تاخد
قوق حسابك كمان حساب
يمكن لو تاكس غيرك
مكنش وصلى جواب
ودخلت حارتى
كأنى عمرى ما جيت هنا
كل الوشوش اتبدلت
وناديت لراجل فى الطريق
اوصفلى بيت الحج عيد
وقعد يقول فى كلام غريب
معقوله يا ابنى ما حستوش
شوفت ابوك ماعرفتهوش
الغربه بتعلم كتير
لاكن ما بتعلمش أبداً
ابن يوم ينسى ابوه

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق