الشعر والأدب

حالة حب..للشاعر / حسن احمد التلاوى

حسن أحمد(20)

حالة حب

صاحبى بيسال ع اللى جراله

عاوز يعرف يبقى دا ايه

ليه احواله مش طبيعية

وما يعرفش اتغير ليه

وبيوصفلى اللى بيحصله

اتاريه بيحب ابن الايه

انا قلت اجاوبو بصراحة

وكلامى ها احكيلكو عليه
……………..

انا ها اقلك يبقى دا ايه

يبقى دا حب انت مخبيه

لما تخاف يقراه ف عيونك

ويبقى القلب بيجرى عليه

لما يبان دقاته تسرع

اصل دا امله ومستنيه

لما تشوفو تحس بفرحه

وانو جوا القلب ماليه

لما يكون دايما على بالك

ليل ونهار بتفكر فيه

تبقى الدنيا مافهاش غيره

والدنيا ماتحلاش غير بيه

لما يغيب عنك بتفكر

هوغيابه طول ليه

والدنيا تضلم ف غيابه

اصلى بشوف النور بعنيه

امتى ها اشوفو واسمع صوته

امتى ايديا ها تيجى ف ايديه

لما البسمة تيجى وياه

كإن البسمة اتخلقت ليه

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق