مسابقة الشعر العامى

حالة عشق..مسابقة القصيدة العامية بقلم / محمد غانم.مصر


حالة عشق
مشاركة بقصيدة عامية
دكتور / محمد غانم
01224567526
لسه ف ترابك امل
لسه فيكي معجزات
لسه فيكي حاجات جميلة
لسه مليانة حكايات
غنوة حلوة لحنها ما بينتهيش
جوه احضان الولاد ما بتخلصيش
عايشة رغم الموت محاوطك
عايشة لجل الناس تعيش
عايشة بسمة فوق وشوش الشقيانين
فرحة بتدبدب في قلب الزعلانين
عايشة فاتحة كفها بالخير سبيل
سلسبيل للنور على مر السنين
مهما قالوا وعادوا عنك
تفضلي رافعة راياتك
مهما حاولوا يهزوا صورتك
يبهر العالم ثباتك
حتى في أسوأ حالاتك
شاطرة جدا ف حساباتك
والتاريخ بداياته عندك
ونهاياته بنهاياتك
…………………….
انتي حالة عشق دايبة في القلوب
حالة وقت الشدة بتفتت جبال المستحيل
ايد بتبني والبنا مش رص طوب
نور بيفتل في النهار ويشق في الليل الطويل
شفتي ياما وياما شفتي
كله راح وفضلتي انتي
نور بيملا الدنيا ويغطي على كل العيوب
وسط توهة عمرنا كنتي المتاهة والدليل
مهما قالوا وعادوا عنك
تفضلي رافعة راياتك
مهما حاولوا يهزوا صورتك
يبهر العالم ثباتك
حتى في أسوأ حالاتك
شاطرة جدا ف حساباتك
والتاريخ بداياته عندك
ونهاياته بنهاياتك

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق