مسابقة الشعر العامى

حالف لشوف ..مسابقة الشعر العامى بقلم / الطيب عوض احمد من مصر

مسابقة مهرجان همسه الدولى لعام 2016
الاسم / الطيب عوض احمد
البلد / جمهورية مصر العربية
التليفون / 01011103996 – 01118349057
قصيده عاميه
( حالف لشوف )
حالف لشوف الشمس فى سماكي
حالف لشوف الطيبه سكناكى
ونيلك بيجرى من نبع قلبى مأنا قلبى مرساكى
وحالف لشوف
ف أسوء ظروف فعتمتك ضى نور
يرسم زهور
أجراس تدق وأدان بيدن في الفجر صحاكى
ليل الضباب مناديل ورق
متعلقه كده على الحيطان
وأما الجبان يكون قوى
تلاقى ايدى فى الشدة سنداكى
وأما الظنون تخلف تخون وامات دقون
ترسم بلون الدم اراضيكى
حالف لكون أسدك وسيد غابك
واجيكى ع عتابك راسم طريق الفرح
على كفى
أدق أنا بابك القاكى ست الحسن
والشعر ليل سارح بيسافر ويه الريح
يداوى قلب جريح
وعيونك الخضره طارحه جناين فل
فعيني انت صبيه والعقل زينها
وجوه عيون الكل
مجنونه وغبيه ومطلعين عينها
خليكى على حالك عاوزك كده
مسافر اجيب مهرك
واجمع بحور الشعر قصيده اقولهالك
اكون قبطان سفينتك فى ايامك الجايه
ويمكن يصيبنى السوء برصاصه تنهينى
جايز
لكنى حالف لشوفك بعينى
زى مانا عايز
بقلمي / الطيب عوض احمد

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق