مسابقة همسة لسنة 2017
شعر عامية
الاسم/سحر زهران
التواصل/ حسابى على الفيس [email protected] باسم الشاعرة حياة
قصيدة (حبيبى عشانك)
حبيبى عشانك عشقت الصعاب
ومهما بتبعد بنسى العتاب
عمرى فى بعدك يزيد الف مرة
ولما تقرب بيرجع شباب
عشانك ياعمرى يهون كل عمرى
يهون العـــــــذاب
بفارق واغرب
عشان منك اهرب
ولا الاقى مهرب
مقدر عليا ومالى عينيا
وقلبى غريبة عنك ماتاب
تطول الليالى تعدى الساعات
خاطر ببالى بطول الغياب
وياما تعبت وكله عشانك
واملى فى حبك عمره ماخاب
دايما معايا وانت هناك
بستنى طيفك..احسه اشوفك على كل باب
انت البداية وكل الحكاية
معاك ياحبيبى ليوم الحساب
بقلم..سحر زهران
