الشعر والأدب

حدوته بالعامية المصرية .خاطرة. بقلم / أحمد بيومي

احمد بيومى

أما صحيح عجايب ..
دنيا وبتلف بينا ..
فيها إللي حاضر وإللي غايب ..
وإللي يتعلق بيها يا غلبه ..
متعلق بحبل دايب ..
وتلاقي واحد بعيد يحبك ..
والضرب والأذيه تجيلك من القرايب ..
صدق من قال عقارب ..
غريبة الدنيا فعلاً مليانه بالعجايب ..
وما تلاقي فيها حد بإخلاص يحبك إلا نادر ..
ويبقى يا باختك لو لقيت حد عدل تصاحب ..
الناس بقت تغار من النجاح ..
وتكرم أي حد خايب ..
مشكلة الناس النهارده ..
في الغيرة والقسوة ..
وخناق على الكراسي والمصالح ..
وأدينى عايش فيها غريب وحيد بأقاسى ..
محروم من الحبايب ..
وعمري ما فكرت في يوم أطلب من حد مساعده ..
لأني عارف إن الكل بيعمل موش من البلدي ..
أو إنه مشغول وناسي ..
حتى دم الغلابه بقى رخيص يا أخوانا ..
وبيتجاروا بيه علينا ..
مات قولي ليه يادنيا إشمعنا إحنا بس ..
إللي بيحصل كل ده فينا ..
يعني هما الملايكة وإحنا ولاد اللذينا ..
أحلامنا تضيع في ثانية من إبدنا وقدام عنينا ..
راح فين يا إخوانا من بيننا الضمير ..
نضرب على الكفوف بحسره ..
وموش عارفين مصير ..
عموماً أدينا عملنا ثوره ..
وأنتخبنا رئيس كبير ..
وعشمنا في بكره أحلى ..
لأنه راجل قدير ..
خلينا ننسى إللي فات ..
ونبدأ من جديد ..
خلينا ولاد النهارده .. ونكون إيد في إيد ..

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.

إغلاق