الرئيسية » مسابقة الشعر العامى » حكايات .مسابقة الشعر العامى بقلم / غريب السيد من مصر

حكايات .مسابقة الشعر العامى بقلم / غريب السيد من مصر

خاص بالمسابقة

الأسم / غريب السيد
…………………
الدولة / مصر – مقيم بالكويت
…………………….
موبايل / 97126104 00965
……………………
مسابقة الشعر العامي
…………………..
عنوان القصيدة – حكايات

مابين شروق الشمس وغروبها ساعات
فيه ناس بتحيا وناس بيقتلها السكات
وطيور تغنى على شجر مكسي بندىَ
وحلم واصل للسما وحلم مات

ناس بتسعى لرزقها
وناس بتمشى بزقها
وناس كتيرة بضعفها
حاسين تملي بالإضطهاد

غبي وواخدها فهلوة
وعليل ومحتاج للدوا
وقلب دايب م الهوى
واهو كله جمعتهم اهات

دموع مغطية الوشوش
وفرحة محتاجة لرتوش
وناس غلابة وناس وحوش
راكبين فى قطر وقته فات

مظلوم بيشكى بلوته
وفقير مالاقى هدمته
وغريب وتايهه سكته
بيدعوا رب له هبات

منحوس وفاكر كله صح
زرع الأمل يأسه طرح
داوى القلوب قلبه انجرح
مرسوم على وشه الشتات

وادى الحكاية باختصار
مسرحية بدون ستار
والإعادة ليل نهار
من يوم ميلادنا للممات

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

كنتى هايلة .مسابقة الشعر العامى بقلم / هانى فايز ياسين .مصر

الاسم : هانى فايز ياسين ٠١٠٠٢٨١٩٩٠٨ اسم القصيده : كنتى هايله شعر عامى …………………………… كنتى …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *