الرئيسية » مسابقة الشعر العامى » حكاية قلب .مسابقة العامية بقلم / نورهان السيد نور الدين من مصر

حكاية قلب .مسابقة العامية بقلم / نورهان السيد نور الدين من مصر

(حكايه قلب )
قالى أيه هى الحكايه
قالى تزوير قالى نصب ولا قتل
قولت كل ده فى كلمه
قولت كلمة الخيانه
قالى أيه يعنى الخيانه
قولت كلمه مش عاديه
ولسا جامعه معانى تانيه
رد قالى مش قضيه
بالعكس دى أكبر قضيه
لما نزور فى الضمير
ولما نسرق بالكلام
لما نقتل القلوب
ولما نزود فى الألام
يبقى ده مااسموش قضيه
ولا مااسموش أنتقام
قالى ايه هى الحكايه
قولت هى حكايه قلب
فكر مره أنه يحب
كل كلامه كان بصدق
حتى مشاعره طالعه بجد
وعمره ما فكر يجرح حد
عاش حياته كان بسيط
كان مسمينوا عبيط
مش عاجبهم قلبى يفضل
نفس طيبته وصدق كلامه
عاطوه قلبى أكبر درس
ماكنش شافه طول أيامه
عاملوا فيه قال يعنى جميله
علشان يعرف معنى ألامه
علشان يقسى ويبقى أنانى
علشان عاش وكان موهوم
ويتعود يعيش وحدانى
ويقتل ناس عشان مظلوم
قادرو يضمه قلبى طرقهم
وجبت كمان على قلبى اللوم
وقلبى خت خلاص جزاءه
يكفى أنه مات وكان مهموم
وجايا أخد طار قلبى
اللى أتظلم من كل الناس
أرجوك يا قاضى ساعدنى
أنا مبقاش جوايا أحساس
هقتل وأدوس على أى حد
وأنا رافعه كمان الراس
قلبى اللى كان بيمنعنى
أنتهى وأهه مات خلاص
من كلمات|نورهان السيد نور الدين
من مصر

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *